یاریگا –
کیلیان ئێمباپێ، هێرشبەری فەڕەنسی کەمپی هەڵبژاردەی فەڕەنسای جێهێشت و گەڕایەوە مەدرید.
رۆژنامەنووسی RMC فابریس هاوکینس بڵاویکردووەتەوە، پاژنەی پێی راستەی کیلیان ئێمباپێ تووشی هەوکردن بووە، گۆڵکارە فەڕەنسییەکە بەشداری یارییەکەی بەرامبەر ئازەرباییجان ناکات و گەڕاوەتەوە مەدرید.
🚨🇫🇷Kylian Mbappé rentre à Madrid et ne fera pas le déplacement en Azerbaïdjan avec l’équipe de France.
D’après la FFF il ressent une inflammation de la cheville droite qui nécessite des examens qu’il effectuera à Madrid. pic.twitter.com/lG113zNTOO
— Fabrice Hawkins (@FabriceHawkins) November 14, 2025
ریال مەدرید لە 23ـی ئەم مانگە لە یارییەکانی گەڕی 13ـی لالیگا دەبێتە میوانی ئێڵچێ، سێ رۆژ دواتر لە چامپیۆنزلیگ دەبێتە میوانی ئۆڵیمپیاکۆس، سبەی کیلیان پشکنینی بۆ دەکرێت و ئاشکرا دەکرێت بەشداری ئەو دوو یارییە دەکات یاخود نا.
شەوی رابردوو فەڕەنسا لە یارییەکانی پاڵاوتنەکانی مۆندیال 4-0 لە ئوکڕاینای بردەوە، کیلیان ئێمباپێ دوو گۆڵی بۆ هەڵبژاردەکەی کرد و فەڕەنسا بەفەرمی خۆی گەیاندە جامی جیهانی 2026.
ئێمباپێ بووە لاوترین یاریزان ژمارەی گۆڵەکانی بگەیەنێتە 400 گۆڵ، ئەستتێرە فەڕەنسییەکە لە کاروانی وەرزشییدا بەشداریی 537 یاریی کردووە، 400 گۆڵی کردووە و 152 ئەسیستی کردووە.
