یاریگا –
ئەستێرەیەکی بارسێلۆنا لە کۆتا وێستگەکانی یاریکردنی نزیکدەبێتەوە و ئەوەشی پەیوەستکردووە بە دۆخی گرێبەستەکەی ئێستای لەگەڵ یانەکە.
بەگوێرەی زانیارییەکانی رۆژنامەی سپۆرت، ئەگەرێکی بەهێزە رۆبێرت لیڤاندۆڤسکی بەیەکجاریی واز لە یاریکردن بهێنێت ئەگەر بێتو یانەکەی لەدوای ئەم وەرەزەوە ئۆفەرێکی نوێ بۆ تازەکردنەوەی گرێبەستەکەی پێشکەشی هێرشبەرە پۆڵەندیەکەی نەکات.
سەرچاوەکە نووسیویەتی کە ئەو ئەگەرە بەهێزە لە ئارادایە ئەگەرچی هێشتا بژاردەکانیتر رەتنەکراونەتەوە، بەوەی یانەکانی ئەوروپا و سعوودیەش چاویان لە دۆخەکەیە و رەنگە ئاراستەی بیرکردنەوەی لیڤا بگۆڕدرێت.
🚨 Robert Lewandowski is considering retirement from football if Barcelona don’t offer him a new contract beyond this season.
Hanging up his boots is a real possibility though nothing has been ruled out, with clubs across Europe and Saudi Arabia alive to the developing… pic.twitter.com/vmyrSoq6Hi
— Transfer News Live (@DeadlineDayLive) November 11, 2025
لیڤاندۆڤسکی کە ئێستا تەمەنی 37 ساڵە، لە هاوینی 2022 بە بڕی 50 ملیۆن یۆرۆ لە بایرن میونشنەوە پەیوەندی بە یانە کاتالوونیەکە کرد. ئەم وەرزە ئەگەرچی لە بەشێک لە یارییەکان بەهۆی پێکان و تەکتیکی لە پێکهاتەی سەرەکیی نەبوو، بەڵام توانیویەتی لە 9 یاریی خولی ئیسپانیدا 7 گۆڵ تۆمار بکات. لە چامپیۆنزلیگیش هێشتا ئامارەکەی سپیە.
