یاریگا –
زۆر کەس پێیان وابوو پرۆژەی سوپەرلیگ تەنیا خەونێکی فلۆرێنتینۆ پێرێزە و بە تەنیا ماوەتەوە، سه‌رۆكی یۆڤینتۆس بە لێدوانێکی فەرمی، جارێکی تر یارییەکەی گۆڕی و نهێنییەکی گەورەی ئاشکرا کرد.
لە ساڵی 2021، شەڕێکی سارد لە نێوان یەکێتیی تۆپی پێی ئەوروپا و دامەزرێنەرانی سوپەرلیگدا ده‌ستی پێكردووه، سەرەڕای هەڕەشە و فشارەکان، ریاڵ مەدرید و بارسێڵۆنا و یۆڤینتۆس له پرۆژه ماونه‌ته‌وه، بەڵام دوای دەستلەکارکێشانەوەی ئاندریا ئانیێلی، سەرۆکی پێشووی یۆڤانتۆس، دەستەی کارگێڕیی نوێی یانە ئیتاڵییەکە هەڵوێستێکی جیاوازی نیشاندا.
Se confirma la situación actual del proyectohttps://t.co/SuX5qxmUzR
— Defensacentral.com (@defcentral) November 7, 2025
یۆڤینتۆس: “داوای ڕۆیشتنمان کردووە، بەڵام…”
جیانلوکا فێرێرۆ، سەرۆکی ئێستای یۆڤینتۆس، لە نوێترین لێدوانیدا کە ماڵپەڕی دیفێنسا سێنترالی ئیسپانی گرنگی پێداوە، رایگەیاند،
“ئێمە داوای ڕۆیشتنمان کردووە، هەروەک چۆن تیمەکانی تریش کردوویانە.”
ئەم قسه‌یه، لە ڕواڵەتدا وەک پاشەکشە دێتە بەرچاو، لە ڕاستیدا نهێنییەکی گەورەتری ئاشکرا کرد، هیچ یانەیەک بە فەرمی لێی نەکشاوەتەوە! چونکە کشانەوە لەم پڕۆژەیە بەبێ ڕەزامەندیی دامەزرێنەرانی كه ڕیاڵ مەدرید سه‌ركردایه‌تی ده‌كات سزایەکی دارایی خەیاڵیی بەدوای خۆیدا دەهێنێت کە یانەکان ناتوانن بیدەن.
لاپۆرتاش لە هەمان کەشتیدایە
هەمان سیناریۆ بۆ بارسێلۆنا ڕاستە، خوان لاپۆرتا، کە سەرەتا بەهۆی قەیرانی داراییەوە بە پەرۆشەوە باوەشی بۆ سوپەرلیگ کردەوە، لەم دواییانەدا بە زەردەخەنەوە لەگەڵ چێڤێرینی سەرۆکی یەکێتیی ئەوروپا دەرکەوت. ئەمەش وەک ئاماژەیەک بۆ گەڕانەوەی بۆ باوەشی لێکدرایەوە. بەڵام ڕاستییەکە ئەوەیە بارسێلۆناش لە هەمان ئەو بەڵێننامە یاساییەدا گیریان خواردووە و ناتوانن بە ئاسانی لێی دەربچن.
سزایە داراییە خەیاڵییەکە چییە و لە کوێوە دێت؟
بڕی سزا داراییەکە چەندە؟
بەپێی شیکارییەکانی دیفێنسا سێنترال، ئەم دۆخە هیچ نیگەرانییەکی بۆ ڕیاڵ مەدرید دروست نەکردووە. فلۆرێنتینۆ پێرێز دەزانێت کە ئەو بەڵێننامانەی واژۆ کراون، وەک زنجیرێکی پۆڵایین وان و یانەکان ناتوانن بە ئاسانی خۆیانی لێ دەرباز بکەن.
سەرەڕای هەموو ئەو دەنگۆیانەی کە باس لە مردنی سوپەرلیگ دەکەن، واقیعی یاسایی شتێکی تر دەڵێت پڕۆژەکە هێشتا زیندووە و کلیلی کردنەوە یان داخستنی دەرگاکەی تەنیا لە دەستی فلۆرێنتینۆ پێرێزدایە.
