یاریگا –
ریال مەدرید ئامادەکاری بۆ ئاشکراکردنی بوودجەی وەرزی 2025-26 لە بەردەم کۆمەڵەی گشتی یانەکە دەکات.
23ی ئەم مانگە، کۆبوونەوەی کۆمەڵەی گشتی ریال مەدریدە و چەندین بڕیاری نوێ دەدرێن.
لە ماوەی رابردوودا، داهاتی ریال مەدرید بەشێوەیەکی بەرچاو زیادبووە، ئەمەش دوای نۆژەنکردنەوە و گەورەکردنی یاریگای سانتیاگۆ بێرنابیۆ و واژۆکردنی چەندین گرێبەستی بازرگانی گەورە.
رۆژنامەی مارکا بڵاویکردووەەوە، بەراورد بە وەرزی 2024-25 ریال مەدرید بڕی 63.5 ملیۆن یۆرۆ داهاتی زیادکردووە.
ریال مەدرید، یاریگای سانتیاگۆ بێرنابیۆ وەکو بزووێنەری پارەدروستکردن وەسف دەکات و بە تەواوی بۆ پلانەکانی دارایی داهاتوو پشتی پێبەستووە.
🤑 El Real Madrid presentará el mayor presupuesto de la historia del fútbol
💥 1.248 millones de euros en ingresos ordinarios, sin contar traspasos… y el Bernabéu puede hacer que vaya a más pic.twitter.com/asgJoSPpII
— MARCA (@marca) November 7, 2025
لە وەرزی رابردوودا، ریال مەدرید بڕی 79.1 ملیۆن یۆرۆی لە بێرنابیۆ قازانج کردووە، هەرچەندە تەواوی شوێنە بازرگانییەکان تەواو نەبووبوون.
دوای کردنەوەی تەواوی شوێنەکانی بازرگانی، هۆڵی گەورە و چێشتخانە، داهاتی ریال مەدرید بەشێوەیەکی زۆر زیاد دەبێت و بەشێکی کێشە داراییەکانی چارەسەر دەکات.
