یاریگا –
رۆبه‌رت لیڤاندۆڤسكی باسی داهاتووی خۆی له‌گه‌ڵ یانه‌ی بارسێلۆنا ده‌كات و پلانی خۆی ئاشكرا كرد.
رۆژنامه‌ی سپۆرت ئاشكرایكردووه، سەرەڕای گرنگیپێدانی یانەی میلان بۆ گرێبەستکردن له‌گه‌ڵ هێرشبه‌ره‌كه‌ی بارسێلۆنا، به‌ڵام یاریزانه‌كه ده‌یه‌وێت تاوه‌كو هاوینی 2026 له ریزی یانه‌كه بمێنێته‌وه، پێی وایە دابەزینی ئاستی گۆڵکردنی لەم وەرزەدا بەهۆی پێکانەوە بووە.
سپۆرت باسی ئه‌وه‌ش ده‌كات، رۆبێرت لێڤاندۆڤسکی ئارەزووی ئەوە دەکات وەرزەکە لەگەڵ بارسا تەواو بکات، پێش ئەوەی بیر لە وێستگەی داهاتووی بکاتەوە، له مێركاتۆی زستانه ریزی یانه‌كه جێناهێلێت.
💣 Sportitalia: ¡El Milan querría a Lewandowski en enero!
👉 El club italiano busca goleador en el mercado y se reunió con Pini Zahavihttps://t.co/SWhR5lradB
— Diario SPORT (@sport) November 7, 2025
گرێبەستی گۆڵکارە پۆڵەندییەکە لەگەڵ بارسێلۆنا لە هاوینی 2026 کۆتایی دێت، کە وای لێدەکات دوای 30ـی حوزەیرانی داهاتوو بە خۆڕایی یانه‌ی داهاتووی ده‌ستنیشان بكات.
لێڤای تەمەن 37 ساڵ، پێی وایە دابەزینی ژمارەکانی لەم وەرزەدا دەگەڕێتەوە بۆ دوورکەوتنەوەی لە یاریگاکان بەهۆی پێکانەوە، نەک بەهۆی دابەزینی ئاستی.
ناوبراو لەم دواییانەدا گوتی، نازانم ئایا دەتوانم ژمارەکانی ساڵی پار دووبارە بکەمەوە یاخود نا، چونکە زۆر دوورکەوتمەوە، بەڵام کاتێک لە یاریگادام، ڕێژەی خولەک و گۆڵەکانم هاوشێوەی وەرزی ڕابردوو دەبێت.”
