یاریگا –
یانەی کۆرینتیانسی بەڕازیلی بە هۆکارێکی سەیر داوا لە مێمفیس دێپای دەکات ئەو هۆتێلە جێبهێڵێت کە ئێستا تێیدا نیشتەجێیە.
دێپای ئەستێرەی هۆڵەندی دوای 13 ساڵ یاریکردن بۆ یانە ناودارەکانی ئەوروپا وەک ئایندهۆڤن، مانچێستەر یونایتد، بارسێلۆنا و ئاتلێتیکۆ مەدرید سەرەنجام لە سێپتەمبەری 2024 ئەو کیشوەرەی جێهێشت و پەیوەندی بە کۆرینتیانسی بەڕازیلیەوە کرد.
بەگوێرەی نوێترین زانیارییەکانی UOL Esporteی بەرازیلی، یانەکە داوای لە دێپای کردووە هۆتێلەکەی ئێستای جێبهێڵێت و دانەیەکی هەرزانتر بدۆزێتەوە.
سەرچاوەکە نووسیویەتی تێچووی مانگانەی هۆتێلەکە 46 هەزار دۆلار لەسەر کۆرینتیانس دەکەوێت. جیا لەوەش، هەموو خەرجیەکانی دیکەی وەک خزمەتگوزاری نێو ژوور، پاککردنەوە، سەرپەرشتیاری ستافەکانی هۆتێل، چێشتلێنەری تایبەت، پاسەوانی تایبەت، ئۆتۆمبێلی گولەنەبڕ و شۆفێرێکی تایبەت هەر لەسەر حیسابی یانە بەڕازیلیەکەیە.
لە درێژەی زانیارییەکانیدا سەرچاوەکە ئەوەشی ئاشکراکردووە کە کۆرینتیانس پێیان وایە زۆر زەحمەتە بتوانن مێمفیس بەو داواکارییە راز بکەن، بەوپێیەی وەک خاڵێک لە گرێبەستەکەیدا جێگیرکراوە نایەوێت دەستبەرداریی ئەو خۆشگوزەرانیە بێت.
🚨 Corinthians have asked Memphis Depay to 𝗟𝗘𝗔𝗩𝗘 𝗧𝗛𝗘 𝗛𝗢𝗧𝗘𝗟 𝗦𝗨𝗜𝗧𝗘 where he lives because they want him to find a cheaper apartment. ⚠️🇧🇷
💰 It costs $46,000-a-month and the club 𝗣𝗔𝗬𝗦 𝗙𝗢𝗥 𝗘𝗩𝗘𝗥𝗬𝗧𝗛𝗜𝗡𝗚, and it includes room service, cleaning,… pic.twitter.com/GLcDxJzQ2Y
— Transfer News Live (@DeadlineDayLive) November 5, 2025