یاریگا –
فێدراسیۆنی تۆپی پێی نێودەوڵەتی ‘فیفا’ خەڵاتێکی بۆ ئەو کەسایەتییانە داناوە کە رۆڵ لە یەکگرتنی گەلانی جیهان دەکەن.
فیفا لە بەیاننامەیەکدا بڵاویکردووەتەوە، خەڵاتێک بە ناوی ‘فیفا بۆ ئاشتی’ ئامادەکراوە و لە 5ی مانگی داهاتوو لە پەراوێزی تیروپشکی جامی جیهانی 2026 پێشکەشی کەسایەتییەک دەکرێت.
یەکێتیی تۆپی پێی نێودەوڵەتی خەڵاتی فیفا بۆ ئاشتی دابەش دەکات، ئەم خەڵاتە دەدرێتە ئەو کەسایەتییانەی کاری نائاساییان بۆ ئاشتی و یەکگرتنی گەلانی جیهان کردووە. خەڵاتەکە ساڵانە دابەش دەکرێت.
FIFA introduces the FIFA Peace Prize – an award to recognise exceptional actions for peace and unity🕊️
⚽️“FIFA Peace Prize – Football Unites the World” to be bestowed on an annual basis
⚽️First winner to receive the award from FIFA President Gianni Infantino on Friday, 5… pic.twitter.com/evRxpwD0q3— FIFA Media (@fifamedia) November 5, 2025
جیانی ئینفانتینۆ، سەرۆکی فیفا جەختدەکاتەوە، دەبێ دان بە رۆڵی ئەو کەسایاتییانە دابنێین کە رۆڵ لە کۆتاییهێنان بە گرژی و ئاڵۆزییەکانی جیهان دەگێڕن؛
لە جیهانێکداین کە رۆژانە ناکۆکی و گرژیی زیاد دەبن. پێویستە دان بە رۆڵی کەسایەتییە ناوازەکان دابنێین کە کار بۆ نەهێشتنی ناکۆکی و کۆکردنەوەی خەڵک و ئاشتی دەکەن.
تۆپی پێی بەرگری لە ئاشتی دەکات، لە جیاتی هەموو کۆمەڵگەی تۆپی پێی نێودەوڵەتی، خەڵاتی فیفا بەو کەسایەتییانە دەدەین، کە هەوڵی گەورە بۆ کۆتاییهێنان بە ناکۆکییەکان دەدەن.
