لە ئەفسانەیەک نزیکە؛ سانتۆس هۆشداری بە نێیمار دەدات
تەنیا دوو مانگ بۆ بەسەرچوونی گرێبەستەکەی ماوە
یاریگا –
مارسێلۆ تێکسێرا، سەرۆکی سانتۆسی بەڕازیلی، هیوای مانەوەی نێیمار دا سیلڤای خواست، ئەمەش بەهۆی نزیکبوونەوەی وادەی بەسەرچوونی گرێبەستەکەی لەگەڵ یانە بەڕازیلییەکە.
گرێبەستی سانتۆس و نێیمار لە کۆتایی ئەمساڵ بەسەردەچێت. ساڵی رابردوو نێیمار لە هیلالی سعوودیەوە پەیوەندی بە سانتۆس کرد.
تێکسێکرا بۆ پێگەی گۆڵی گوتووە؛
پڕۆژەی نێیمار تەنیا بۆ شەش مانگ یاخود ساڵێک نییە، بەڵکو پڕۆژەکە بۆ مۆندیالی 2026ە. سانتۆس باش دەزانێت چۆن مامەڵە لەگەڵ نێیمار بکات، تەواو ئاگاداری قەبارەی وەبەرهێنانی گرێبەستەکەیە.
پەیوەندی نێوان نێیمار و سانتۆس رێکخراوە، لە کۆتایی ئەمساڵ، هەڵسەنگاندنی لایەنی دارایی بۆ پەیوەندییەکە دەکرێت.
نێیمار هیچ لە دۆخی دارایی یانەکە دوو دڵ نییە، بەڵام سانتۆس سنوورێکی هەیە و ناتوانێت بیبەزێنێت.
Neymar has missed almost as many games as he’s played for Santos this season due to injuries 🤕
Santos sit just above relegation in 16th place while Neymar has scored 6 goals and assisted 3 so far… 😕 pic.twitter.com/s7zdPC7JsP
— OneFootball (@OneFootball) November 3, 2025
سانتۆس دەیەوێت بە هۆکاری زیادبوونی دەرفەتی بەشداریکردنی لە مۆندیالی 2026، نێیمار بۆ ساڵێکی دیکەش لە یانەکە بهێڵێتەوە.
لەلایەکی دیکەوە، دەنگۆی گرنگی پێدانی نێیمار لەلاین ئینتەر مەیامییەوە زۆر زیادبووە.
