یاریگا –
هه‌رچه‌ند بارسێلۆنا تاره‌ده‌یه‌ك گه‌ڕاوه‌ته‌وه نێو ركابه‌رییه‌كان، به‌ڵام هێشتا لەنێو گێژاوێکی دارایی ئاڵۆزدایە.
ڕاپۆرتێکی ماڵپەڕی ئاتلێتیك بە وردی باس لەو قەرز و فرتوفێڵـانە دەکات کە یانەکەیان گەیاندە ئەم دۆخە و پرسیارە گەورەکە دەکات: ئایا بارسێلۆنا بەڕاستی لە قەیرانەکە دەرچووە؟
چۆن کارەساتەکە دەستی پێکرد؟ فرۆشتنی نێیمار
هەموو شتێک لە ساڵی 2017 دەستیپێکرد، کاتێک بارسێلۆنا نێیماری بە بڕی 222 ملیۆن یۆرۆ بە پاریس سانجێرمان فرۆشت، تاوه‌كو ئێستاش گرانترین گواستنەوەی مێژووە، لەبری ئەوەی ئەم پارەیە بۆ وەبەرهێنانی درێژخایەن بەکاربهێنرێت، یانەکە دەستبەجێ دەستی بە خەرجکردنێکی زۆر كرد.
In 2021, Barcelona recorded the biggest loss for a football club, ever: €555.4m.
Today, they still have the deepest debt in the world game: €1.45bn.
Many others would have drastically cut costs. Barca have instead found refuge in ever more novel ways of raising money — while… pic.twitter.com/kcd2WzFU90
— The Athletic | Football (@TheAthleticFC) November 3, 2025
- خەرجییە زۆره‌كان: لە ماوەی سێ ساڵدا، یانەکە نزیکەی 960 ملیۆن یۆرۆی بۆ کڕینی یاریزانان خەرج کرد، لەوانە کۆتینیۆ، دێمبێلی، و گریزمان کە نرخی هەر یەکێکیان لە 100 ملیۆن یۆرۆ زیاتر بوو.
- گرێبەستەکەی مێسی: لە هەمان کاتدا، گرێبەستێکی ئەفسانەیی بۆ لیۆنێل مێسی نوێکرایەوە کە بەپێی بەڵگەنامە دزەپێکراوەکان، تێچووەکەی دەگەیشتە نزیکەی 555 ملیۆن یۆرۆ بۆ چوار ساڵ. ئەمەش مووچەی یانەکەی بە شێوەیەکی زۆر بەرزکردەوە.
- کاریگەریی کۆرۆنا: پەتای کۆڤید 19 گورزێکی کوشندەی لە داهاتی یانەکە وەشاند و ناچاری کردن مووچەی یاریزانان دوابخەن، کە ئەمەش قەرزەکانی زیاتر کرد.
سەردەمی لاپۆرتا و فرۆشتنی بەشێک لە سەروەت و سامانی یانەکە
دوای دەستلەکارکێشانەوەی بارتۆمیۆ، خوان لاپۆرتا گەڕایەوە و بۆ ڕزگارکردنی یانەکە، پەنای بۆ فرۆشتنی بەشێک لە سەروەت و سامانی یانەکە برد، کە بە پاڵانکاس ناسرا.
- فرۆشتنی مافی پەخش:بارسێلۆنا 25٪ی مافی پەخشی تەلەڤیزیۆنی لە لالیگا بۆ ماوەی 25 ساڵ فرۆشت لە بەرامبەر وەرگرتنی نزیکەی 667 ملیۆن یۆرۆی خێرا.
- فرۆشتنی بارسا ستۆدیۆ:یانەکە نزیکەی 49٪ی پشکەکانی بارسا ستۆدیۆ (بەشی بەرهەمهێنانی میدیایی یانەکە)ی بە نزیکەی 200 ملیۆن یۆرۆ فرۆشت، هەرچەندە دواتر کێشە لە وەرگرتنی تەواوی پارەکەدا دروست بوو.
- فرۆشتنی کورسییە تایبەتەکان (VIP):بۆ دابینکردنی پارە، یانەکە مافی بەکارهێنانی هەندێک لە کورسییە تایبەتەکانی یاریگای نوێی کامپ نۆی بۆ ماوەی 30 ساڵ فرۆشت و نزیکەی 100 ملیۆن یۆرۆی دەستکەوت.
قەرزە زۆره‌كان و پڕۆژەی ئیسپای بارسا
نوێکردنەوەی یاریگای کامپ نۆ، کە بە پڕۆژەی (ئیسپای بارسا) ناسراوە، بوودجەکەی لە 600 ملیۆن یۆرۆوە بۆ 1.5 ملیار یۆرۆ بەرزبووەتەوە. بۆ دابینکردنی ئەم پارەیە، یانەکە قەرزێکی زۆری کردووە، کۆی گشتیی قەرزەکانی بارسێلۆنا گەیشتووەتە نزیکەی 1.45 ملیار یۆرۆ، کە بەرزترینە لەسەر ئاستی جیهانی تۆپی پێ.
دۆخی ئێستا و داهاتوویەکی نادیار
سەرەڕای هەموو کێشەکان، هەنگاوەکانی لاپۆرتا لە هەندێک ڕووەوە سەرکەوتوو بوون:
- سەرکەوتنی له ركابه‌ریكردنی كێبركێكان: یانەکە گەڕاوەتەوە بۆ کێبڕکێ و بردنەوەی نازناوەکان.
- کۆنترۆڵکردنی خەرجی: خەرجیی کڕینی یاریزانان کەمکراوەتەوە و مووچەکان تا ڕادەیەک کۆنترۆڵ کراون.
- گەشەی داهاتی بازرگانی: داهاتی بازرگانی یانەکە بە شێوەیەکی بەرچاو گەشەی کردووە، بەتایبەت لە ڕێگەی گرێبەستە گەورەکانی وەک سپۆتیفای و نایکی.
بارسێلۆنا هێشتا لە دۆخێکی دارایی مەترسیداردایە. قەرزەکان زۆرن، پڕۆژەی نوێکردنەوەی یاریگاکە دواکەوتووە، و هێشتا کێشەیان لەگەڵ یاساکانی یاریی خاوێنی داراییدا هەیە. بەڵام لە هەمان کاتدا، یانەکە لەسەر پێی خۆی وەستاوەتەوە، داهاتەکانی ڕووی لە گەشەیە، داهاتووی یانەکە بەندە بەوەی کە ئایا دەتوانن بە سەرکەوتوویی کامپ نۆی نوێ بکەنەوە و داهاتەکانیان بە شێوەیەکی جێگیر زیاد بکەن، بەبێ ئەوەی جارێکی تر پەنا بۆ فرۆشتنی سەروەت و سامانی یانەکە بەرنەوە
