یاریگا –
بارسێلۆنا لە چەند ساڵی رابردوودا، بەردەوام کێشەی لە هێلی بەرگری هەبووە و لەم وەرزەشدا تۆمارێکی باشی نییە.
یانە کاتالوونییەکە لە یاریی شەوی رابردووی بەرامبەر ئێڵچێ لە لالیگا، نەیتوانی پارێزگاری لە تۆڕی گۆڵەکەی بکات و تۆمارێکی نەرێنی سەردەمی رۆناڵد کومانی نوێکردەوە.
بارسێلۆنا لە هەشت یاریی رابردووی سەرجەم پاڵەوانیەتییەکان گۆڵی لێکراوە، ئەمە یەکەمجارە لە فێبرایەر/شوباتی 2021ەوە روودەدات.
#OJOALDATO – El Barcelona lleva 8 partidos seguidos recibiendo gol (Real Oviedo, Real Sociedad, PSG, Sevilla, Girona, Olympiacos, Real Madrid y Elche), una racha que el club azulgrana no experimentaba desde febrero de 2021 (con Koeman en el banquillo).
— MisterChip (Alexis) (@2010MisterChip) November 2, 2025
بارسێلۆنا لە دوا هەشت یاریدا 13 گۆڵی لێکراوە، سێڤییا چوار گۆڵی لێکرد و ریال مەدرید و پاریس سانجێرمان، هەریەکەیان دوو گۆڵ و هەرسێ یارییەکەی دۆڕاندووە.
بارسا لە یارییەکانی بەرامبەر ریال ئۆڤیێدۆ، ریال سۆسیداد، جیڕۆنا، ئۆڵمپیاکۆس و ئێڵچێش نەیتوانی پارێزگاری لە تۆڕی گۆڵەکەی بکات.
بارسێلۆنا لەدوای ئینیگۆ مارتینێز بۆ نەسڕی سعوودی، توانایەکی زۆری لە هێڵی بەرگری لەدەستداوە.
