دووەم باشترینی مێژووە؛ ئاڵۆنسۆ ریکۆردێکی 64 ساڵەی ریال مەدرید دەشکێنێت
ئاڵۆنسۆ دەستپێکێکی ناوازەی تۆمارکردووە
یاریگا –
هەرچەندە چەند مانگێکە چابی ئاڵۆنسۆ بووەتە راهێنەری ریال مەدرید، بەڵام دەستپێکێکی مێژوویی تۆمارکردووە.
ژمارە ناوازەکانی ئاڵۆنسۆ لە دوای بردنەوە گەورەکەیان بەرامبەر ڤالێنسیا 4-0 تۆمارکرا.
ریال مەدرید لەم وەرزەدا 14 یاریی فەرمی لە سەرجەم پاڵەوانیەتییەکان کردووە، 13 بردنەوە و یەک دۆڕانی بەرامبەر ئاتلێتیکۆ مەدرید هەبووە.
بەگوێرەی ئامارەکانی ئۆپتا، 64 ساڵە ریال مەدرید دەستپێکی وەرزی لەمشێوەیە نەبووە، هەروەها دووەم باشترین دەستپێکی مەدریدە لە مێژوودا.
RMA 4-0 VAL (FT)
Mejores inicios de temporada del Real Madrid, tras 14 partidos (en todas las competiciones oficiales):
13 victorias y 1 empate con J.A. Berraondo (1928-29)
13 victorias y 1 derrota con Miguel Muñoz (1961-62)
13 victorias y 1 derrota con Xabi Alonso (2025-26) pic.twitter.com/ZQJ6nXZ2QE— MisterChip (Alexis) (@2010MisterChip) November 1, 2025
ئاڵۆنسۆ ژمارەیەکی مێژوویی میگێل مونۆز، راهێنەری وەرزی 1961-62ی یەکسانکردەوە، کە لەو وەرزەدا 13 بردنەوە و یەک دۆڕانی تۆمارکردبوو.
ئەفسانەکانی وەکو ئالفرێدۆ دی ستێفانۆ، فێرنیک پوشکاش و فرانسیسکۆ خێنتۆ یارییان بۆ تیمە زێڕینەکەی مەدرید دەکرد. لەو وەرزەدا خول و جامی ئیسپانیای بەدەستهێنا.
تاوەکو ئێستا باشترین دەستپێکی وەرز لە مێژووی ریال مەدرید بۆ وەرزی 1928-29 دەگەڕێتەوە، کاتێک بە سەرکردایەتی خۆسێ ئانتۆنیۆ پێراوندۆ، 13 بردنەوە و یەکسانبوونێکی لە سەرجەم پاڵەوانیەتییەکان تۆمارکردبوو.
سەرەڕای دەستپێکە ناوازەکەی لەو وەرزەدا، بەڵام پلەی دووەمی خولی ئیسپانیای بەدەستهێنا و بارسێلۆنا بووە پاڵەوان.
