چاڤی ئۆفەرێکی دیکەی رەتکردەوە
چاڤی هێرناندێز پەلە ناکات لە گەڕانەوە بۆ کاری راهێنەریی و دەستەوارەیەکی لە رووسیاوە رەتکردەوە.
ئەفسانەکەی پێشووی بارسێلۆنا، پارساڵ لە راهێنەرایەتی یانە دێرینەکەی دوورخرایەوە و لەوکاتەوە نەگەڕاوەتە کاری راهێنەرایەتی.
بەگوێرەی ماڵپەڕی سپۆرت ، چاڤی نایەوێت پەلە بکات لە هەڵبژاردنی ئەرکێکی نوێ تاوەکو دڵنیادەبێت لەوەی پڕۆژەیەکی گونجاوە و دەتوانێت تێیدا سەرکەوتووبێت.
ناوبراو لە ماوەی رابردوو راهێنەرایەتی یانەکانی ئیتیحادی سعوودی و ئەجاکسی هۆڵەندی رەتکردەوە. ئێستاش یانەی سپارتاک مۆسکۆ داوایان لێکردووە سەرکردایەتی پڕۆژەیەکی نوێی یانەکە بکات بەڵام چاڤی راستەوخۆ رەتیکردووەتەوە.
یانەکانی رووسیا رێگەیان پێنادرێت بەشداری پاڵەوانێتییە ئەورووپییەکان بکەن. لەسەر ئاستی ناوخۆش سپارتاک مۆسکۆ دابەزیووە بۆ پلەی شەشەمی ریزبەندی ئەو خولە و دوای 13 هەفتە کراسنۆدار لە پلەی یەکەم دێت.
