یاریگا –
لە جەنگی کلاسیکۆدا، زۆرترین چاو لەسەر لامین یامال، ئەستێرەی بارسێلۆنا بوو، ئەمەش بەهۆی لێدوانە پڕ مشتومڕەکانی بەر لە یارییەکە.
ریال مەدرید 2-1 لە بارسێلۆنای بردەوە، هەریەکە لە کیلیان ئێمباپێ و جود بێڵینگهام گۆڵەکانیان کرد، فێرمین لۆپێزیش تاکە گۆڵی بارسای کرد.
هاندەرانی ریال مەدرید بە درێژایی یارییەکە، فیکەی ناڕەزایەتییان لەدژی یامال لێدەدا و هەر بە گەیشتنی تۆپ بۆ لای یامال، دەنگی هاندەران بەرزدەبووەوە.
یامال بەدرێژایی یارییەکە تەنیا دوو شووتی ئاڕاستەی گۆڵی ریال مەدرید کرد، هەردووکیشی بۆ دەرەوەی چوارچێوەی گۆڵ بوو، هەروەها تەنیا دوو دەرفەتی بۆ هاوتیمەکانی دروستکرد.
تۆپ 79 جار بەر قاچی یامال کەوت، 55 پاسیدا و رێژەی دروستی پاسەکان گەیشتە 80%.
🚨 #ULTIMAHORA Carvajal reprime a Lamine Yamal por hablar mucho y casi se enganchan Vinicius y el jugador del Barça. pic.twitter.com/G9M4sNN7D6
— Defensacentral.com (@defcentral) October 26, 2025
کۆتاییەکی تووند
لە کۆتایی یارییەکەدا، یاریزانانی ریال مەدرید و بارسێلۆنا بەیەکداچوون و لە گرتەکاندا دەرکەوتووە، بەهۆی لێدوانە پڕ مشتومڕەکان، دانی کارڤاخال گلەیی لە لامین یامال دەکات.
لە گرتەیەکی دیکەدا ڤینیسیۆس جونیۆر دەردەکەوێت کە ئاماژە بۆ یامال دەکات و بە ‘زۆر بڵێ’ وەسفی دەکات.
بەگوێرەی چەند سەرچاوەیەکی جیاواز، کارڤاخال بە یامالی گوتووە کە زۆر قسە دەکات.
