یاریگا –
یەکەمین کلاسیکۆی وەرزەکە کە بە بردنەوەی ریال مەدرید 2-1 کۆتایی هات، بەبێ گرژی تێنەپەڕی. جارێکیتر لامین یامال رۆشناییەکانی بەلای خۆیدا برد، بەڵام بە لێدوان و دواتر کاریگەرییەکانی قسەکانی پێش یارییەکە نەک ئاست و ژمارەکانی یاریزانەکە.
وەک چاوەڕواندەکرا دانی کارڤاخال لێدوانێک بدات لەسەر بێڕێزیکردنی یامال بە یانەکەیان. بەڵام کاپتنی یانە مەدریدیەکە خۆی خۆی نەگرت و هەر راستەوخۆ دوای فیکەی کۆتایی لە هاونیشتیمانییە لاوەکە خۆی نزیککردەوە و پێی گوت “تۆ زۆر قسان دەکەیت. دەی ئێستا قسە بکە”
ئەوەش سەریکێشا بۆ دەستوەردانی یاریزانانی هەردوولا. بەهۆی رووداوەکەشەوە چەند یاریزانێک لە ریزەکانی ریال و بارسا کارتی زەردیان بەڕوودا بەرزکرایەوە.
Carvajal, Vini Jr & co vs Lamine Yamal after El Clásico: “You speak too much. Speak now”. 🚨@defcentral 🎥 pic.twitter.com/BSgOX9hdws
— Fabrizio Romano (@FabrizioRomano) October 26, 2025
لامین بەدرێژایی یاریەکە لەلایەن هاندەرانی قەڵای سپیەوە فیکە و هووتافی لێدەکرا. ئەوەش بە گوتەی یاریدەری راهێنەری هانزی فلیک کار لەسەر ئاستی ئەستێرە لاوەکەیان کردبوو.
