یاریگا –
کاردانەوەکان لەسەر قسەکانی لامین یامال، ئەستێرەی بارسێلۆنا بەردەوامن و ئەمجارە جێرارد پیکێ، ئەفسانەی بارسا پاڵپشتی لاوە ئیسپانییەکەی کرد.
یامال لە پۆدکاستی ئێبای بانۆس باسی چەندین بابەتی سەرنجڕاکێشی کرد و لە بەشێکی قسەکانیدا ریال مەدریدی بە ‘دزینی’ یارییەکان تۆمەتبار کرد و روونیکردەوە، لەدوای دزییەکەش سکاڵا تۆمار دەکەن.
پیکێ لە لێدوانێکیدا بۆ پلاتفۆڕمی خیخانتێس پاڵپشتی یامالی کرد؛
رکابەری نێوان بارسێلۆنا و ریال مەدرید بەردەوام هەبووە، بە ئێمەیان گوت، دزیتان لێکراوە و ئێمەش هەمان قسەمان دووبارەکردووەتەوە.
کاتێک بە ریال مەدرید دەدۆڕێیت، وات لێدەکەن بەردەوام لە بەرامبەریان هاندراو بیت.
📺 DIRECTO @JijantesFC
Gerard Piqué: “Si pierdes contra el Madrid te atizan siempre. No sé lo que será de Lamine. Tiene la oportunidad de romper con todo. De donde ha salido, el mérito que tiene este chaval… es una barbaridad.”
🔗 https://t.co/OGW0AKBuBT pic.twitter.com/AwrPNRW9vD
— Jijantes FC (@JijantesFC) October 24, 2025
یاریزانانی بارسێلۆنا گلەیی لە ‘گەمژەیی’ لێدوانەکانی یامال دەکەن و کارڤاخال سنوورێکی بۆ دادەنێت
پیکێ لە بەشێکی دیکەی قسەکانیدا، دووپاتی لە سەرکەوتوویی یامال لەم تەمەنە بچووکەدا کردەوە و دەڵێت؛
نازانم چی بەسەر یامال دێت، دەرفەتی گەورەی بۆ دەستپێکی ناوازە هەیە. بەڕاستی توانای لەڕادەبەدەری هەیە.
با یامال وەکو خۆی قبووڵ بکەین، بەدڵنیاییەوە ئەزموون وەردەگرێت، هیچ کەسێک لە تەمەنی 18 ساڵی و 38 ساڵی وەکویەک نییە.
یامال یاریزانێکی زۆر تایبەتە. لە ریال مەدرید رەخنە لە یامال دەگرن؟ لەمە تێدەگەم، ئەوان هیوا بەبوونی یاریزانێکی وەکو یامال دەخوازن.
نازانم تاوەکو کەی چێژ لەم یاریزانە وەردەگرین، بەڵام با کات بەفیڕۆ نەدەین. لە تۆپی پێی ئەم سەردەمە، گرنگ ئەوەیە ئاگاداری خۆت بیت.
🔵🔴 Piqué, sobre el “roban” de Lamine: “Ellos nos han dicho que hemos robado y nosotros se lo decimos a ellos” pic.twitter.com/2RJM4MTuUA
— MARCA (@marca) October 25, 2025
