یاریگا –
پێکانی رافینیا، ئەستێرەی بەڕازیلی سەریهەڵداوەتەوە و نزیکەی مانگێکی دیکە لە یاریکردن دادەبڕێت.
رۆژنامەی ئێل دێسمارکی ئیسپانی بڵاویکردووەتەوە، پاش ئەوەی رۆژی هەینی پشکنینی پزیشکی بۆ رافینیا کرا دەرکەوتووە پێکانەکەی سەریهەڵداوەتەوە و سێ بۆ چوار هەفتەی دیکە لە یاریکردن دادەبڕێت.
هەمان سەرچاوە ئاماژەی بەوەش کردووە، هانزی فلیک زۆر نیگەرانە، بڕوای وایە هەڵەیەکی گەورەیان کردووە و نەدەبوو پەلە لە گەڕانەوەی رافینیا بکەن.
‼️ Según ha podido saber ElDesmarque, Raphinha estará de baja entre tres y cuatro semanas.
Una información de @DavidIbanez5 https://t.co/F9LNZnSS1x
— ElDesmarque (@eldesmarque) October 25, 2025
رافینیا لە کۆتایی سێپتێمبەر/ئەیلوولی رابردوو، ماسوولکەی رانی راستی پێککرا و ئەوکاتە ستافی پزیشکی دوورکەوتنەوەی رافینیای بۆ ماوەی سێ هەفتە راگەیاند، بەڵام دوورکەوتنەوەی نزیکەی مانگێکی خایاندووە.
رافینیا سێ گۆڵ و دوو ئەسیستی لە حەفت یاریدا کردووە، بەڵام بەهۆی پێکان بەشداری یارییەکانی پاریس سانجێرمان و ئۆڵمپیاکۆسی لە چامپیۆنزلیگ نەکرد و لەسەر ئاستی لالیگاش لە یارییەکانی ریال سۆسیداد، سێڤییا و جیڕۆنا بێبەشبوو.
جیا لە رافینیا، بارسێلۆنا بەهۆی پێکان لە تواناکانی خوان گارسیا، تێر شتێگن، دانی ئۆلمۆ، گاڤی و رۆبێرت لیڤاندۆڤسکی بێبەشە، بەڵام هەریەکە لە ئاندرێس کریستێنسن و فرێنکی دی یۆنگ بۆ جەنگی کلاسیکۆ ئامادەن.
