لیڤەرپوول شوێنگرەوەی محەمەد سەڵاح دەگوازێتەوە
رێدز ململانێی گەورەکانی پرێمەرلیگ دەکات
یاریگا –
لیڤەرپوول دەچێتە کێبڕکێی گواستنەوەی ئانتوان سێمێنیۆ، ئەستێرەی بۆرنمس.
تۆڕی سکای سپۆرتس بڵاویکردووەتەوە، لیڤەرپوول دەیەوێت ئانتوان سێمێنیۆ، هێرشبەری هەڵبژاردەی گانا بکاتە شوێنگرەوەی محەمەد سەڵاح و ئامادەیە 75 ملیۆن پاوەند لەپێناو گواستنەوەی ئەو هێرشبەرە 25 ساڵانییە واژۆ بکات.
لە مێرکاتۆی هاوینەی رابردوو یانەکانی چێڵسی، مانچێستەر یونایتد و تۆتنهام هەوڵی گواستنەوەی سێمێنیۆیان دا، بەڵام یاریزانەکە مانەوەی لە بۆرنمس هەڵبژارد.
Liverpool want to sign £75m rated Antoine Semenyo as a potential replacement for Mohamed Salah, via the Independent 🔴
Man United are interested in a loan move for Real Madrid forward Endrick, according to the Sun 🇧🇷 pic.twitter.com/fy4DRdTO8a
— Sky Sports Premier League (@SkySportsPL) October 22, 2025
ئێستا رێدز چووەتە ململانێی گواستنەوەی یاریزانەکە و دەیەوێت لە مێرکاتۆی هاوینە ئانتوان لەژێر چنگی رکابەرەکانی دەربهێنێت.
سێمێنیۆ لە هاوینی 2023 لە بریستۆڵ سیتییەوە بەبڕی 10.25 ملیۆن یۆرۆ پەیوەندی بە بۆرنمس کردووە، هاوینی رابردوو گرێبەستەکەی تاوەکو 2030 نوێکردەوە و بەهای ئێستای لە بۆڕسەی یاریزانان 55 ملیۆن یۆرۆیە.
سێمێنیۆ لەم وەرزە لە سەرجەم پاڵەوانێتییەکان نۆ یاریی کردووە و بەشداریی نۆ گۆڵی کردووە، خاوەنی شەش گۆڵ و سێ ئەسیستە.
