لیڤەرپوول خراپترین ئامارەکانی خۆی دووبارە دەکاتەوە

یاریگا –

لیڤەرپوولی ئەم وەرزە خراپترین ئامارەکانی خۆی وەبیری هاندەرانیدا دەهێنێتەوە و ئەمشەویش بە شکست لە لووتکەی پرێمەرلیگ پرێمەرلیگ هاتەدەرەوە.

تیمەکەی ئارنە سڵۆت لە یاریگای خۆیاندا لە گەڕی 8ی یارییەکانی خولی ئینگلیزی میوانداریی مانچێستەر یونایتدی کرد. یارییەکەشی 1-2 بە رکابەرە مێژووییەکەی دۆڕاند. کە ئەوە چوارەمین شکستی لەسەریەکی راهێنەرە هۆڵەندیەکە بوو لەسەرجەم پاڵەوانێتیەکاندا (کریستاڵ پاڵاس، گاڵاتاسەڕای، چێڵسی و مان یونایتد).

بەگوێرەی ئامارەکانی ئۆپتا بۆ ئامار و ژمارە پێوانەییەکان، دۆڕاندنی 4 یاریی لەسەریەک لە 11 ساڵی رابردوودا، یەکەمجارە روودەدات لەوەتەی برێندان رۆجەرز راهێنەری یانەکە بوو. پێش ئەوەی یۆرگن کڵۆپ پۆستی راهێنەرایەتی وەربگرێت.

4 – Liverpool have lost four consecutive games in all competitions for the first time since November 2014 under Brendan Rodgers. Sobering. pic.twitter.com/6X4zWswy21

— OptaJoe (@OptaJoe) October 19, 2025