یاریگا –
چابی ئاڵۆنسۆ داوا لە کارگێڕی ریال مەدرید دەکات جارێ تا هاوینی داهاتوو هیچ گرێبەستێکی گرانبەها ئەنجام نەدات.
بەگوێرەی زانیارییەکانی تۆڕی هەواڵی دیفێنسا سێنتراڵی ئیسپانی، چابی چاودێری دۆخی ئێستای فلۆریان ڤێرتزی ئەستێرەی نوێی لیڤەرپوول دەکات و بەو هیوایە کە ڤێرتز گرفتەکانی بەردەوامبێت لە راهاتن لەگەڵ سیستمی یاریکردنی یانە ئینگلیزیەکە، بەوەش رەنگە هەر خودی یاریزانە ئەڵمانیەکە داوای رۆیشتن لە رێدز بکات. بەوەش دەرگا بۆ یەکگرتنەوە لەگەڵ چابی دەکاتەوە کاتێک لە لیڤەرکوزن یانەکەان گەیاندە لووتکە و سێ نازناوی نێوخۆییان بردەوە، تێیدا بوندێسلیگا بۆ یەکەمین جار لە مێژووی دامەزراندنی یانەکە.
🚨 Xabi Alonso has urged Real Madrid to hold off on signing a big-money midfielder until next summer.
He’s hopeful that if Florian Wirtz continues to struggle to fit into Liverpool’s system, the midfielder might request a move, opening the door for a reunion with his former… pic.twitter.com/hSHnNBEvVk
— Transfer News Live (@DeadlineDayLive) October 19, 2025
ئەستێرە 22 ساڵیەکە لە گواستنەوەکانی هاوینە وەک یەکێک لە گرانبەهاترین گواستنەوەکانی مێژوو گواسترایەوە بۆ لیڤەرپوول. بەڵام بە تێپەڕبوونی 9 یاریی فەرمی لە پرێمەرلیگ و چامپیۆنزلیگ، هێشتا تۆمارەکەی سپیە.
