بارسێلۆنا بەر لە یاریی ئێل کلاسیکۆ تانە لە بڕیارێکی لالیگا دەدات
یاریگا –
بارسێلۆنا بڕیارە هەفتەی داهاتوو تانەیەکی فەرمی پێشکەش بە لالیگا بکات.
ئێوارەی دوێنێ بارسێلۆنا بە گۆڵێکی کۆتا خولەکی رۆناڵد ئاراوخۆ توانی بە ئەنجامی 2-1 لە جیرۆنا بباتەوە. هانزی فلیک لەم یارییەدا رەخنەی زۆری لە بڕیارەکانی ناوبژیوان گرت و ناوبژیوان بە پێدانی دوو کارتی زەرد فلیکی لە یاریگا کردە دەرەوە و هەر لەبەر ئەم هۆکارە راهێنەرە ئەڵمانییەکە ناتوانێت بۆ یاریی داهاتووی یانەکەی بەرامبەر ریال مەدرید ئامادە ببێت.
بە گوێڕەی هەواڵێکی رادیۆ کاتالونیا، بارسێلۆنا لەبەر کارتە سوورەکەی فلیک ناڕەزایی دەربڕیوە و دەیەوێت تانە بۆ لالیگا بەرز بکاتەوە.
‼️ Explicat al #Superesports @EsportsRAC1 🎙️Marta Ramon
👉🏻El Barça presentarà al•legacions a l’expulsió per doble groga per intentar que Hansi Flick pugui asseure’s a la banqueta del clàssic #frac1 pic.twitter.com/cV11zDc33k
— El Barça juga a RAC1 (@FCBRAC1) October 18, 2025
ریال مەدرید لە گەڕی دەیەمی لالیگا لە رێکەوتی 26ـی ئەم مانگە کاتژمێر 18:15 لە یاریگای سانتیاگۆ بێرنابیۆ میوانداری بارسێلۆنا بکات.
