جووڵەیەکی سەیری یاریزانانی لالیگا هەرا دەنێتەوە

یاریگا –

کۆمەڵەی خولی ئیسپانیا ‘لالیگا’ هەڵوێستێکی سەیری بۆ ناڕەزایی دەربڕین لە دژی گواستنەوەی یاریی نێوان بارسێلۆنا و ڤیاڕیال بۆ مەیامی دەربڕی.

کاپتنی یانەکانی لالیگا لەسەر وەستان بەبێ جوولە لە 20 تاوەکو 30 چرکەی یەکەمی هەموو یارییەکانی گەڕی نۆیەمی لالیگا رێککەوتوون.

یەکەم هەڵوێستی ناڕەزایی دەربڕین ل ەیاریی نێوان ریال ئۆڤیێدۆ بەرامبەر ئیسپانیۆل پیشاندرا، بەڵام لالیگا بڕیاریدا پەخشی گواستنەوەی یارییەکە لە 20 چرکەی یەکەم ببڕێت، تاوەکو نیگەرانی یاریزانان دەرنەکەوێت.

کاتێک یاریزانان هەڵوێستەکەیان جێبەجێکرد، پەخشی نێو یاریگا وەستێندرا و یاریگای ئۆڤیێدۆ لە دەرەوە پیشاندرا.

❌ La Liga cut the LIVE broadcast during the first 20 seconds of the Espanyol–Oviedo match, showing exterior shots of the stadium instead.

After both teams’ players decided to protest against the idea of taking league matches outside Spain,

so they stood still for the first… https://t.co/cJJhAquPmV pic.twitter.com/CdUKvu58US

— Real Madrid Info ³⁶ (@RMadridInfo) October 17, 2025

پێشبینی دەکرێت لە سەرجەم یارییەکانی ئەم گەڕە، بەهەمان شێوە ناڕەزایی دەرببڕن، لەوانەش یارییەکەی ریال مەدرید بەرامبەر خێتافی و بارسێلۆنا بەرامبەر جیڕۆنا.

یاریزانان دەیانەوێت تووڕەیی خۆیان لە بەرامبەر نەبوونی شەفافیەت، رێزگرتن و هەماهەنگی لالیگا لەگەڵ یاریزانان پیشانبدەن، ئەمەش دوای گواستنەوەی یاریی نێوان بارسێلۆنا و ڤیاڕیال لە 20ی دیسێمبەر/کانوونی یەکەمی ئەمساڵ بۆ یاریگای هاڕد رۆژ لە مەیامی.