پرێس کۆنفڕانسی جامی کوردستان لە نێوان هەندرێن و شێروانە کرا

یاریگا –

لە یاریگای سیروانی نوێ کۆنگرەی هونەری جامی سوپەری کوردستان لە نێوان هەندرێن و شێروانە کرا.

هەینی ( 17ـی ئۆکتۆبەری 2025 ) کۆنگرەی هونەری جامی سوپەری کوردستان لە نێوان هەندرێن و شێروانە کرا، دڵشاد مەعروف راهێنەری هەندرێن باسی لە ئامادەکاری تیپەکەی کرد و دەڵێت ئامادەکاری ئەم وەرزەمان بۆ جامی سوپەری کوردستان بووە، راهێنەری هەندرێن زیاتر گووتی:

سەرەتای ئامادەکاری ئەم وەرزەمان ئامانجمان جامی سوپەری کوردستان بووە، بە هەموو شێوەیەک بۆ یارییەکە ئامادەین، داواکارم لە هاندەرانی لە یاریگا ئامادەبن و چێژ لە یارییەکە وەربگرن.

هێمن نازم، کاپتنی هەندرێن باسی لە ئامادەکاری یاریزانەکانی بۆ یارییەکە کرد و گووتی:

یاریزانەکان ئامادەن بۆ یارییەکە و هیوادارم لە رۆژی خۆیان بن، پەیوەندی یاریزانەکان زۆرباشە کە ئەمەش دەبێتە پاڵنەرێک بۆ سەرکەوتن، ئامانجمانە ئەم جامە بگەڕێنینەوە هەولێر و دەسکەوتێکی تر بۆ یانەکەمان زیاد بکەین.

جامی سوپەری کوردستان لە نێوان هەندرێن و شێروانە، شەممە ( 18ـی ئۆکتۆبەری 2025 ) لە یاریگای نەورۆز لە سلێمانی دەکرێت.