یاریگا –
ئێنزۆ مارێسكا، راهێنەری ئیتاڵی یانەی چێڵسی ئینگلیزی ماوەی دووركەوتنەوەی كۆڵ پاڵمەری راگەیاند.
لە سەرەتای وەرزەوە كۆڵ پاڵمەر بەهۆی پێكان لە رانیدا دەناڵێنێت و لە دوای ئەوەی گەڕایەوە یاریگاكان دووبارە بەهۆی پێكانەوە دووركەوتەوە.
وا بڕیارە سبەی شەممە كاتژمێر 14:30 بە كاتی كوردستان نۆتینگهام فۆرێست لە یاریگای خۆیدا میوانداری چێڵسی بكات، لە میانی یارییەكانی گەڕی هەشتەمی پرێمەرلیگ.
لە كۆنگرەی رۆژنامەوانی پێش یارییەكەیان بەرامبەر نۆتینگهام، ئینزۆ مارێسكا گوتی:
كۆڵ پاڵمەر بەهۆی پێكانەكەیەوە ماوەی شەش هەفتەی دیكە لە یاریگاكان دووردەكەوێتەوە.
بەوهۆیەشەوە گومان لە بەشداریكردنی پاڵمەر لە یاریی بەرامبەر بارسێلۆنا لە میانی یارییەكانی گەڕی پێنجەمی قۆناخی خول – چامپیۆنزلیگ دەكرێت.
