هەڵبژاردەی کەیپ ڤێردی ناوی خۆی خستە مێژووی مۆندیالەوە
یاریگا –
هەڵبژاردەی کەیپ ڤێردی بە بردنەوەی 3-0 لە ئیسواتینی له میانی پاڵاوتنەکانی کیشوەری ئەفریقا بۆ گەیشتن بە جامی جیهانی 2026، ناوی خۆی خستە مێژووی ئەو پاڵەوانێتیە گەورەوە.
کەیپ ڤێردی لە گروپی چوارەم لەپاڵ هەڵبژاردەکانی کامێرۆن، لیبیا، ئانگۆلا، مۆریشیۆس و ئیسواتینی توانی لە ئەنجامدانی 10 یارییدا 23 خاڵ کۆبکاتەوە و سەرووی ریزبەندیی کۆمەڵەکەی بگرێت.
بە بردنەوەکەی ئەمشەو، ڕاستەوخۆ سەرکەوت بۆ مۆندیالی داهاتوو بۆ یەکەمین جار لە مێژوو خۆیاندا.
سەرکەوتنی ئەو هەڵبژاردەیە رووداوێکی مێژوویی بوو، بەوەی بووە دووەم بچووکترین وڵات لە رووی دانیشتوانەوە، خۆیان بگەیەننە مۆندیال.
ژمارەی دانیشتوانی ئەو وڵاتە ئەفریقیە تەنها 600 هەزار کەسی تێنەپەڕاندووە. بەوەش لە دوای هەڵبژاردەی ئایسلاند کە وەک بچووکترین وڵات لە رووی ژمارەی دانیشتوانەوە، لە مۆندیالی 2018 بەشدارییان کرد.
🚨 𝐎𝐅𝐅𝐈𝐂𝐈𝐀𝐋: Cape Verde 🇨🇻 have qualified for the 2026 World Cup for the 𝒇𝒊𝒓𝒔𝒕 𝒕𝒊𝒎𝒆 𝒊𝒏 𝒕𝒉𝒆𝒊𝒓 𝑯𝑰𝑺𝑻𝑶𝑹𝒀 🤩
With a population of just 590,000 they are also the second smallest nation to qualify for a World Cup finals (after Iceland) – what an… pic.twitter.com/zxgLDiXDxu
— 433 (@433) October 13, 2025
