یاریگا –
خوان لاپۆرتا ترسی لێنیشتووە و دەیەوێت بڕیارێکی لەناکاو لە بەرژەوەندی خۆی بدات.
بڕیارە هەڵبژاردنەکانی سەرۆکایەتی بارسێلۆنا لە یۆلیۆ/تەمووزی ساڵی داهاتوو بکرێت، بەڵام لاپۆرتا لە ئێستاوە دەیەوێت وادەکەی پێشبخات و لە ئەپریل/نیسانی بکرێت.
رۆژنامەی سپۆرت بڵاویکردووەتەوە، لاپۆرتا دەیەوێت هەڵبژاردنەکانی سەرۆکایەتی پێشبخات، تاوەکو ئەنجامی یانەکە کاریگەری لەسەر دەنگدەر دروست نەکات.
رۆژنامەکە جەختیکردووەتەوە، لە ترسی خراپی و بێدەستکەوتی لە کۆتایی وەرز، لاپۆرتا بە جیددی بیر لە پێشخستنی وادەی دەنگدان دەکاتەوە.
🔴 Noticia SPORT
🤔 Laporta se plantea convocar las elecciones para el mes de abril
✍️ @DBR8 https://t.co/yRP5n0Pfx3
— Diario SPORT (@sport) October 6, 2025
لاپۆرتا جارێکی دیکە خۆی بۆ پۆستەکە کاندید دەکاتەوە و نایەوێت ئەنجامی نەرێنی کاریگەری لەسەر ئەنجامی هەڵبژاردنەکە هەبێت.
ڤیکتۆر فۆنت، رکابەری سەرەکی لاپۆرتایە لە هەڵبژاردنەکان و لە هەڵبژاردنی پێشوو، پلەی دووەمی بەدەستهێنا.
