چێڵسی ئۆفەرێکی خەیاڵی بۆ گواستنەوەی سێمێنیۆ ئامادە دەکات
پێنج یانە ململانێی گواستنەوەی دەکەن
یاریگا –
چێڵسی ئامادەکاری بۆ گواستنەوەی یەکێک لە باشترین هێرشبەرەکانی پرێمەرلیگ دەکات.
ماڵپەڕی فێچاخێس بڵاویکردووەتەوە، چێڵسی بە تواناکانی ئانتۆنیۆ سێمێنیۆ، هێرشبەری بۆرنمس سەرسامە و لە ئێستاوە ئامادەکاری بۆ گواستنەوەی ئەو یاریزانە 25 ساڵانییە دەکات.
بەگوێرەی هەمان سەرچاوە، بلوز دەیەوێت لە مێرکاتۆی هاوینەی داهاتوو سێمێنیۆ بگوازێتەوە ریزەکانی و بۆ ئەو مەبەستەش بڕی 80 ملیۆن پاوەندی ئامادە کردووە.
بەڵام بلوز بێ رکابەر نییە، مانچێستەر یونایتد، بایرن میونشن، بارسێلۆنا و ئاتلێتیکۆ مەدریدیش چاویان لەسەر یاریزانەکەیە و هەوڵی گواستنەوەی دەدەن.
هێرشبەرە گاناییەکە لە هاوینی 2023 بەبڕی 10.25 ملیۆن یۆرۆ لە بریستۆڵ سیتییەوە پەیوەندی بە بۆرنمس کردووە، بەهای ئێستای لە بۆڕسەی یاریزانان 40 ملیۆن یۆرۆیە.
سێمێنیۆ لەم وەرزەی پرێمەرلیگ لە هەشت یاریی بەشداریی نۆ گۆڵی کردووە، شەش گۆڵی کردووە و سێ گۆڵی کردووە.
بە درێسی بۆرنمس لە سەرجەم پاڵەوانێتییەکان بەشداریی 97 یاریی کردووە، 28 گۆڵی کردووە و 13 گۆڵی دروستکردووە.
El Chelsea quiere romper el mercado: prepara 90 millones por el delantero que está brillando en la Premier League.https://t.co/pPFzkXgMvt
— Fichajes.net (@fichajesnet) October 6, 2025
