یاریگا –
فلیک بەشداریی یامالی لە کلاسیکۆدا پشتراستنه‌كرده‌وه بەرەیەکی نوێ لە دژی یەکێتیی تۆپی پێی ئیسپانیا دەکاتەوە.
هانزی فلیک، راهێنەری یانەی بارسێلۆنا، گومانی خستە سەر بەشداریکردنی لامين یامال لە یاریی داهاتووی کلاسیکۆ بەرامبەر ریاڵ مەدرید و لە هەمان کاتدا دوای بانگهێشتکردنی مارک بێرناڵی لاو بۆ هەڵبژاردەی ئیسپانیا بەرەیەکی نوێی مشتومڕی لەگەڵ یەکێتیی تۆپی پێی ئیسپانیادا کردەوە.
🎙️ Hansi Flick, sobre el desencuentro con Luis de la Fuente por Lamine Yamal:
💬 “La situación de la que me hablas se produjo tras el último parón de Liga y yo lo que quiero es proteger a mi jugador y apoyarlo. De esto se trata. Es agua pasada. Ya es pasado. No pienso… pic.twitter.com/JXFyPUHQT3
— Mundo Deportivo (@mundodeportivo) October 4, 2025
گومان لە بەشداریکردنی یامال لە کلاسیکۆدا
هەڵبژاردەی ئیسپانیا ناوی لامين یامالی لە لیستی یارییەکانی داهاتووی پاڵاوتنەکانی جامی جیهانی 2026 دژی جۆرجیا و بولگاریا دوورخستەوە، دوای ئەوەی یانەی بارسێلۆنا رایگەیاند کە یاریزانەکە دووبارە تووشی پێکان بووەتەوە.
فلیک لە کۆنگرەیەکی رۆژنامەوانیدا پێش یاریی سیڤییا، رایگەیاند،
“کاتێک گومانمان لە ئامادەیی یاریزانێک هەبێت، یاری ناکات، لامين زۆر باشترە، بەڵام هێشتا بە تەواوی ئامادە نییە.”
🚨 ¿Cuándo regresará Lamine Yamal?
❓ ¿Estará para el Clásico?💬 Hansi Flick: “No sabemos cuándo volverá Lamine porque con esta lesión no es fácil saberlo al no tratarse de una lesión muscular. No sabemos si estará de vuelta en dos, tres o cuatro semanas. No sé si estará listo… pic.twitter.com/TW7uMxzC42
— Mundo Deportivo (@mundodeportivo) October 4, 2025
کاتێک پرسیاری بەشداریکردنی لە یاریی کلاسیکۆدا لێکرا کە لە 26ـی تشرینی یەکەم بەڕێوەدەچێت، فلیک گوتی: ”
هێشتا نازانین لەگەڵ ئەم جۆرە پێکانانەدا، نازانین چەندی پێدەچێت دوو هەفتە، سێ، یان چوار ئێمە دەمانەوێت هەنگاو بە هەنگاو چاودێریی دۆخی بکەین.”
راهێنەرە ئەڵمانییەکە جەختی لەوەش کردەوە کە پەشیمان نییە لەو رەخنانەی پێشتر لە لویس دی لا فوێنتێی راهێنەری ئیسپانیای گرتبوو سەبارەت بە پاراستنی یامال و گوتی:
“من دەمەوێت پارێزگاری لە یاریزانەکانم بکەم، ئەوە ڕابردوو بوو، ئێستا دەبێت یانەکان و هەڵبژاردەکان پێکەوە کاربکەن.”
فلیک هێرش دەکاتە سەر یەکێتیی تۆپی پێی ئیسپانیا
هانزی فلیک بە توندی رەخنەی لە بڕیاری یەکێتیی تۆپی پێی ئیسپانیا گرت بۆ بانگهێشتکردنی مارک بێرناڵ بۆ هەڵبژاردەی ئیسپانیای خوار 21 ساڵان.
بێرناڵ مانگی ڕابردوو دوای 382 ڕۆژ دابڕان بەهۆی پێکانێکی قورسی ئەژنۆیەوە گەڕایەوە یاریگاکان و فلیک زۆر بە وریاییەوە مامەڵەی لەگەڵدا دەکات بۆ ئەوەی دووبارە تووشی پێکان نەبێتەوە.
فلیک لەمبارەیەوە گوتی
“دۆخێکی قورسە، پێم وا نییە ئەو ئێستا ئامادە بێت بۆ یاریکردنی بۆ كاتێكی زۆر، نازانم ئەوان چییان لێی دەوێت، بەڵام دەبێت زۆر وریا بین. ئەو لە پێکانێکی زۆر قورس گەڕاوەتەوە و لە رووی جەستەییەوە هێشتا لە ئاستی پێش پێکانەکەی نییە، پێویستە لەسەر یەکێتیی تۆپی پێی ئیسپانیا وریا بێت و ئاگاداری بێت.
له كۆتاییدا گوتی، ده‌بێت له‌گه‌ڵ هه‌موو دۆخه‌كان خۆمان بگونجێنین و بۆ هه‌موو یارییه‌ك پلانی تایبه‌تمان ده‌بێت و یارییمان به‌رامبه‌ر سیڤییا یه‌كێك له یارییه قورسه‌كانی ئه‌م وه‌رزه ده‌بێت.
