گۆڵکارێکی پێشوو؛ لە تابووتەکەشمدا هەر دەڵێم کریستیانۆ لە مێسی باشترە
"یارییم لەگەڵی کردووە، بۆیە دەزانم چ یاریزانێکە"
یاریگا –
ئیمانوێل ئادیبایۆر، هێرشبەری پێشووی ئارسیناڵ و ریال مەدرید بەشێوەیەکی جیاواز ستایشی کریستیانۆ رۆناڵدۆ دەکات.
ئادیبایۆر لە چاوپێکەوتنێکی لەگەڵ پێگەی ستادیوم ئاستروم باسی سەردەمی یاریکردنی لە ریال مەدرید و یارییکردن لەتەنیشت کریستیانۆ رۆناڵدۆ دەکات و بڕوای وایە هیچ یاریزانێک لە ئەفسانە پۆرتوگالییەکە باشتر نییە.
مێسی یاخود کریستیانۆ؟ تەنانەت ئەگەر لە تابووتەکەشمدا ئەو پرسیارەم لێ بکرێت هەر دەڵێم کریستیانۆ رۆناڵدۆ باشترە، چونکە من لەگەڵیدا یارییم کردووە و دەزانم چ یاریزانێکە.
بەڵام گومانی تێدا نییە، لیۆنێل مێسیش یەکێکە لە گەورەترینەکانی مێژوو.
بێگومان کریستیانۆ رۆناڵدۆ باشترین یاریزانە یارییم لەگەڵی کردووە، خاوەن کەسایەتی و کارەکتەرێکی تایبەتە، بەڕاستی شێتانەیە.. هەرگیز کۆڵنادات و ماندوو نابێت، کاتێک پێتوایە تووشی پێکان بووە یاخود ماندوو بووە، ئەو بە سێ چوار گۆڵ وەڵامت دەداتەوە.
Emmanuel Adebayor 🇹🇬 did not hesitate when choosing between Cristiano Ronaldo and Lionel Messi 🤍 pic.twitter.com/GET59SCQNR
— Stadium Astro 🇲🇾 (@stadiumastro) October 1, 2025
ئیمانوێل ئادیبایۆر یاریی بۆ مۆناکۆ، مانچێستەر سیتی، ئارسیناڵ، ریال مەدرید، تۆتنهام و کریستاڵ پاڵاس و چەند یانەیەکی دیکە کردووە.
بەدرێسی سەرجەم یانەکان بەشداریی 593 یاریی کردووە، 207 گۆڵی کردووە و 60 گۆڵی دروستکردووە، لەگەڵ ریال مەدرید نازناوی جامی شای ئیسپانیای بەدەستهێناوە.
