دوو یانەی پرێمەرلیگ ململانێی گواستنەوەی درۆ فێرناندێز دەکەن
ئۆفەری بلوو موون لەسەر مێزەکەیە..
یاریگا –
درۆ فێرناندێز، ئەستێرەی لاوی بارسێلۆنا بووەتە ئامانجی گەورەکانی پرێمەرلیگ و لە ئێستاوە کێبڕکێی گواستنەوەی دەکەن.
ماڵپەڕی فیچاخێس بڵاویکردووەتەوە، مانچێستەر سیتی هەوڵەکانی بۆ گواستنەوەی درۆ فێرناندێز، هێرشبەری لاوی بارسێلۆنا دەستپێکردووە و دەیەوێت ئۆفەرێک بە بەهای 15 ملیۆن یۆرۆ بۆ گواستنەوەی یاریزانە لاوەکەی بارسا پێشکەش بکات.
هاوکات چێڵسیش چاوی لەسەر یاریزانە لاوەکەی بارسایە و بۆ بەدەستهێنانی تواناکانی ململانێی مانچێستەر سیتی دەکات.
Oferta de 15 millones para sacar a Dro Fernández del Barcelonahttps://t.co/T0UPYtwxAV
— Fichajes.net (@fichajesnet) October 1, 2025
یاریزانە 17 ساڵانییەکە لە ئەکادیمیای لاماسیا پێگەیشتووە و لەم هاوینە هانزی فلیک لە تیپی یەکەم دەرفەتی یاریکردنی پێبەخشی و ئاستێکی بەرزی پێشکەشکرد.
فێرناندێز بەهۆی ئاستە بەرزەکەی بانگهێشتی یارییەکانی چامپیۆنزلیگیش کراوە و ئێستا بووەتە یاریزانێکی گرنگی تیپەکەی هانزی فلیک.
درۆ تاوەکو هاوینی 2027 گرێبەستی لەگەڵ یانە کاتالوونیەکە هەیە و بەهای لە بۆڕسەی یاریزانان 5 ملیۆن یۆرۆیە.
هەر بەگوێرەی هەمان سەرچاوە، بارسێلۆنا هەوڵەکانی بۆ نوێکردنەوەی گرێبەستەکەی دەستپێکردووە، پلانی داڕشتووە بەمزووانە گرێبەستێکی نوێی درێژخایەنی لەگەڵ واژۆ بکات.
