یاریگا –
کریستیانۆ رۆناڵدۆ لەگەڵ نەسڕ ئەم وەرزەشی بە پیشاندانی توانا گۆڵکارییەکانی دەستپێکردووە. بە جۆرێک، لە 4 هەفتەی سەرەتای خولی ئەو وڵاتەدا 4 گۆڵی تۆمارکردووە.
ئەفسانە پۆرتوگالیەکە کە ئێستا تەمەنی 40 ساڵە، خەونی بەدەستهێنانی مۆندیالی هێشتا لا کاڵ نەبووەتەوە، هەر بۆیە پلانی تۆکمەی بۆ داناوە کە وەک کۆتا دەرفەت بۆ بردنەوەی، لە ئێستاوە ئامادەکاریی بۆ پاڵەوانێتیەکە دەکات کە هاوینی داهاتوو لە هەرسێ وڵاتی ئەمرێکا، کەنەدا و مەکسیک بەڕێوەدەچێت.
بەگوێرەی زانیارییەکانی سەرچاوە عەرەبیەکان کە مێدیای ئەوروپییش بایەخی پێداوە، دۆن رۆناڵدۆ لەگەڵ خۆرخێ خیسۆسی راهێنەری رێککەوتنێکی کردووە پەیوەست بە چەندێتی بەشدارییکردن لە یاریەکانی یانەکەی.
سەرچاوەکان ئەوەیان زانیوە رۆناڵدۆ و خیسۆس گەیشتوونەتە رێککەوتنێک کە ئەم وەرزە بە رێژەی 25%ی یارییەکانی نەسڕ بەشداریی بکات. هەروەها بۆ هەڵبژاردەکەشی. ئەوەش لەپێناو پارێزگاریکردن لە دۆخی جەستەیی پێش مۆندیالی 2026.
🚨 Jorge Jesus and Cristiano Ronaldo have reached an agreement regarding Ronaldo’s playing time at Al Nassr to preserve his physical condition ahead of the 2026 World Cup. 🇵🇹
The 40-year old Portuguese star will play at least 25% of the Saudi club’s matches, as well as his… pic.twitter.com/oEPNeLwqwN
— Transfer News Live (@DeadlineDayLive) September 26, 2025
