یاریگا –
ئەمڕۆ چاوی وەرزشکاران و هاندەرانی تۆپی پێی کوردستان و عێراق، بەتایبەتی دهۆک، لەسەر هۆڵی رۆشنبیریی سێمێل دەبێت، لەوێ، کۆنگرەی گشتیی یانەی وەرزشیی دهۆک بۆ هەڵبژاردنی دەستەیەکی نوێی کارگێڕی بەڕێوەدەچێت.
ئەم هەڵبژاردنە تەنها پرۆسەیەکی ئاسایی نییە، بەڵکو بۆنەیەکی گرنگە کە ئەندامانی دەستەی گشتی، بە گیانێكی وەرزشی و دڵسۆزییەوە، چارەنووسی یانەکەیان بۆ چەند ساڵی داهاتوو دیاری دەکەن.
پرۆسەی هەڵبژاردن: رێکار و میکانیزم
هەڵبژاردنەکە کە کاتژمێر 10:00 به‌كاتی هه‌ولێر دەست پێبکات، بەپێی چەند قۆناخێکی یاسایی بەڕێوەدەچێت:
- خوێندنەوەی ڕاپۆرتەکان: سەرەتا، هەردوو ڕاپۆرتی دارایی و کارگێڕیی دەخوێندرێنەوە.
- دەنگدان لەسەر راپۆرتەکان: دەستەی گشتیی یانەکە (کە لە ئەندامانی فەرمی پێکدێت) دەنگ لەسەر پەسەندکردن یان رەتکردنەوەی راپۆرتەکان دەدات.
- پرۆسەی هەڵبژاردن: دوای پەسەندکردنی ڕاپۆرتەکان، پرۆسەی دەنگدان بۆ هەڵبژاردنی ئەندامانی نوێی دەستەی کارگێڕی دەست پێدەکات.
- میکانیزمی بردنەوە (50+1) ده‌بێت: بۆ ئەوەی هەر بەربژێرێک بە سەرکەوتوو هەژمار بکرێت، پێویستە نیوە + یەکی دەنگی ئەندامانی ئامادەبووی دەستەی گشتی بەدەست بهێنێت. بۆ نموونە، ئەگەر 100 ئەندام ئامادەبن، هەر بەربژێرێک دەبێت لانیکەم 51 دەنگ بەدەست بهێنێت. ئەم میکانیزمە دڵنیایی دەدات کە براوەکان خاوەنی زۆرینەیەکی ڕوونن.
بەربژێرەکان: کێبڕکێی نێوان ئەزموون و خوێنی نوێ
بۆ ئەم هەڵبژاردنە، 10 کەس خۆیان بەربژێر کردووە، هه‌شت به‌ربژێر کە زۆرینەی بەربژێرەکان پێکدەهێنن، له ده‌سته‌ی كارگێری ئێستای یانه‌كه‌ن و ئه‌وان بە سەرۆکایەتیی عەبدوڵڵا جەلال بە کارنامەیەکی پڕ لە دەستکەوتی مێژووییەوە متمانە به‌خۆبوون دێنه پێشه‌وه.
ده‌سته‌ی كارگێری پێشوو جامی یانە پاڵەوانەکانی کەنداو و جامی عێراق لە یەک وەرزدا، بۆیانه‌كه‌یان به‌ده‌ستهێنا کە بۆ یەکەمجارە لە مێژووی یانەکەدا ئه‌م دوو نازناوه ده‌به‌نه‌وه.
به‌ربژێره‌كانی ده‌سته‌ی پێشوو پێكدێت له: عەبدوڵڵا جەلال، یوسف ڕەشید، خالد موشیر، جاسم محەمەد، ڕێگر ئەحمەد، هشیار فەریق، خالید ئەحمەد، و میللەت جەمال.
هه‌ریه‌كه له دلین کەمال و عەلی مستەفا دوو به‌ربژێری نوێن و ده‌یانه‌وێت سه‌ركه‌وتن به‌ده‌ستبهێنن و ئه‌زموونی خۆیان له یانه‌كه تاقی بكه‌نه‌وه.
ئه‌م دوو به‌ریژێره پێیانوایە سەرەڕای دەستکەوتەکان، هێشتا دەرفەت بۆ کاری باشتر و گەورەکردنی پڕۆژەی یانەکە هەیە.
دەستەی کارگێڕی، بەڵکو ئاراستە و داهاتووی یەکێک لە گەورەترین یانەکانی کوردستان و عێراق بۆ چەند ساڵی داهاتوو دیاری دەکات.
