یاریگا –
چابی ئاڵۆنسۆ راستەوخۆ باسی لە دانیشاندنی ڤینیسیۆس جونیۆر کرد کاتێ لە یاریی رابردووی یانەکەی بەرامبەر ئیسپانیۆل لە خولەکی 77 گۆڕانکاریی پێکرد و رۆدریگۆی خستە یارییەکەوە.
کاتێ چابی گۆڕانکاریی بە ئەستێرە بەڕازیلیەکەی کرد، ریال مەدرید 2-0 لەپێش بوو، ئەنجامەکەش هەر بەو شێوەش کۆتایی هات.
لە نوێترین چاوپێکەوتنی رۆژنامەوانیی پێش یارییەکەی سبەی شەو بەرامبەر لیڤانتی، راهێنەره ئیسپانیەکە وتی
بەدڵنیاییەوە زۆر دڵخۆشم بە هەبوونی ڤینی. پێویستە بەردەوامبێت لەوەی هەوڵی سەخت بدات و هەرواش دەکات. وەرزەکە تازە دەستیپێکردووە.
ئاڵۆنسۆ لە درێژەی قسەکانیدا بۆ هەستڕاگرتنی ڤینیسیۆس وتی
من خۆم یاریزان بوومە. ئەو هەستە دەزانم کاتێ گۆڕانکارییت پێدەکرێت. بەڵام خۆشحاڵم بە هەبوونی.
بۆ زانین، ڤینیسیۆس لە 5 یاریی خولی ئیسپانی خاوەنی 2 گۆڵ و 2 ئەسێستە. لە چامپیۆنزلیگیش لە یارییەکدا ئامارەکانی هێشتا سپیین.
🚨 Xabi Alonso on Vinicius exit rumours: “I’m very happy with Vini, for sure. He has to continue working hard as he’s doing, the season has just started!”.
“I’ve been a player, I know the feeling when you get subbed off… but I am very happy with Vini”. pic.twitter.com/QmBUs19pvn
— Fabrizio Romano (@FabrizioRomano) September 22, 2025
