یاریگا –
پێش یاریییان بەرامبەر لیڤانتی، چابی ئالۆنسۆی راهێنەری ریاڵ مەدرید ئامادەی کۆنگرەیەکی رۆژنامەوانی بوو و بە وردی وەڵامی پرسیاری رۆژنامەنووسانی دایەوە، لەم کۆنگرەیەدا تیشکی خستە سەر چەندین بابەتی گرنگ، لەوانە قورسی یارییەکە، پرسی باڵۆن دۆر، دۆخی ڤینیسیۆس، پلانی داهاتووی یانەکە.
وردەکاریی کۆنگرە رۆژنامەوانییەکە:
رۆژنامه‌نووسێك له باره‌ی یاریی سبەی بەرامبەر لیڤانتی له راهێنه‌ره ئیسپانیه‌كه‌ی پرسی یارییه‌كه‌ی سبه‌ی چۆن ده‌بێت؟
ئالۆنسۆ گوتی، هەر یارییەک لە دەرەوەی یاریگای خۆت قورسە، لیڤانتی تیمێکه ده‌جه‌نگێت و راهێنەرەکەشیان بە هەمان شێوە، سبەی پێویستە لە زۆر لایەنەوە خۆمان باشتر بکەین، دەبێت بە کوالێتییەکی بەرز، خێرایی، و تەرکیزێکی زۆرەوە یاری بکەین.”
⚪ Xabi Alonso: ” Estamos en el camino pero creo que podemos estar mejor. Tenemos que tener mucha ambición”
👉 El técnico del Real Madrid, en la previa del #LevanteRealMadrid pic.twitter.com/Hnndg8G3jo
— MARCA (@marca) September 22, 2025
له‌باره‌ی ئه‌وه‌ی ئه‌گه‌ر دێمبڵی باڵۆن دۆر نەباتەوە، جێگەی سەرسوڕمان دەبێت؟ ئالۆنسۆ رایگه‌یاند،
دەبینین، ئەمە بابەتی من نییە، من ئەندامی لیژنەی باڵۆن دۆر نیم، زۆر بیرم لەم بابەتە نەکردووەتەوە، هەموو بیرکردنەوەی من تەنها لەسەر یارییەکەی لیڤانتییە.”
⚪ Xabi Alonso: “Carreras me está sorprendiendo muy gratamente. Es muy completo”
⚽ El técnico del Real Madrid, en la previa del #LevanteRealMadrid pic.twitter.com/ygjYX05qcB
— MARCA (@marca) September 22, 2025
گوتیشی،
ئێمە لە بەرەوپێشچووندایین، بەڵام هێشتا لە قۆناخی بنیاتناندایین، لەم دواییانەدا ئاستێكی زۆر بەرزمان پێشکەش کرد، ئەمەش نیشانەی ئەو کارە باشانەیە کە دەیکەین، ماوەیەکی کەمە لێرەین و دەبێت ئامانجمان گەورەتر بێت، دەبێت تینووی بردنەوە بین، دەمانەوێت خاڵی زۆر کۆبکەینەوە، بۆ ئەوەش، دەبێت یاریی زۆر ببەینەوە.
له‌باره‌ی توڕه‌بوونی یاریزانه‌كان و ڤینیسۆس ئالۆنسۆ رایگه‌یاند،
من خۆم یاریزان بووم، کاتێک یانەکە منی فرۆشت، کاتەکەی گونجاو نەبوو، بەڵام من بە شێوەیەکی ئاسایی وەرمگرت، من شتەکان زۆر گەورە ناکەم.
له‌باره‌ی ئاستی یاریزانه‌كان به تایبه‌ت كارێراس و كاماڤینگا و گه‌ڕانه‌وه‌ی بێلینگهام گوتی،
گەشبینیم به ئاستی یاریزانه‌كان، كارێراس کەسایەتی و رۆحی کێبڕکێی ئەو بە شێوەیەکی زۆر سەرسامی کردم، هەڵەی زۆر کەم دەکات و عەقڵییەتێکی نایابی هەیە، کاریگەرییە خێراکەی جێگەی سەرسوڕمان بوو، ئێمە فران و ئالابا و فێرلاندمان لەو شوێنەدا هەیە، بەڵام ئاستی ئەو نایاب بوو، لێرە هەمووان دڵخۆشن. لە گەڕی ڕابردوودا، هەمووان بە بردنەوەکە دڵخۆش بوون و هەستەکە نایاب بوو، ئەمە ئەو شتەیە کە پێویستمانە. پێویستە ببینە یەک تیم. هەمووان لەو ڕۆڵە تێدەگەن کە بۆ تیمەکەمان دەوێت و دەبێت هەموومان بەشدار بین.”
رۆژنامەنووسێك له راهێنه‌ره‌كه‌ی ریال ده‌پرسێت کام سێیانەی هێرشبەریت زیاتر بەدڵە؟
“ئەمە پرسیارێکی قورسە وەڵامی بدەمەوە، دەکەومە کێشەوە، من دڵخۆشم و پێویستمان بە هەمووانە، پێویستە لە هەندێک لایەنەوە بەرەوپێش بچین، ئەمە روونە، بەڵام بناخەیەک لەژێر دروستکردندایە و بۆ تەواوی وەرزەکە پتەو دەبێت، هەندێک یاریزان دەیانتوانی گۆڵی زیاتر بکەن، هەندێکی تر چاوەڕێی یەکەم گۆڵن، بەڵام هەمووان پەرۆشن.”
له‌باره‌ی ئه‌وه‌ی ڤینیسیۆس دەبێت چی بکات بۆ ئەوەی ئەو خولەکانەی دەیەوێت بەدەستی بهێنێت؟ چابی ئەلۆنسۆ ده‌لێت ، من دڵخۆشم بەوەی پێشکەشی دەکات، ئێمە هێشتا لە سەرەتاداین، رێگاکە هێشتا درێژە و دەبێت هەست بە گرنگیی خۆی بکات.
له كۆتاییدا وه‌ڵامی ئه‌و پرسیاره‌ی دایه‌وه كه بۆچی ئامادەی ئاهەنگی باڵۆن دۆر نابیت؟
راهێنه‌ره‌كه گوتی، من تەنها تەرکیزم لەسەر یارییەکەی لیڤانتییە، چونکە هەموو یارییەک بۆ من گرنگە
