راوول گۆنزالێز لە دەرگای لیڤەرکوزنەوە دەگەڕێتەوە کاری راهێنەرایەتی
دوو راهێنەری دیکەی پێشووی بۆندسلیگا بەربژێرن
یاریگا –
راوول گۆنزالێز، ئەفسانەی ریال مەدرید بۆ وەرگرتنی پۆستی راهێنەرایەتی ریال مەدرید بەربژێرە.
یەکشەممەی رابردوو 1ـی ئەیلولی 2025، بایەر لیڤەرکوزن تەنیا دوای سێ یاریی ئێریک تێن هاخی هۆڵەندی لە پۆستی راهێنەرایەتی یانەکەی دوورخستەوە و ئێستا بەدوای شوێنگرەوەیەکی نوێ دەگەڕێن.
رۆژنامەی مارکا بڵاویکردووەتەوە، راوول گۆنزالێز، راهێنەری ئیسپانی یەکێکە لەو راهێنەرانەی ناوی لە لیستی بایەر لیڤەرکوزاندایە و یانە ئەڵمانییەکە بیر لەوە دەکاتەوە راوول بکاتە شوێنگرەوەی تێن هاخ.
⚽ Raúl González, en la lista de candidatos al banquillo del Bayer Leverkusen
🇩🇪 El club alemán piensa en el exentrenador del Castilla para suceder a Ten Hag
✍️ Por @jfelixdiaz 👇https://t.co/KWVZfvFWZY
— MARCA (@marca) September 2, 2025
راوول وەک یاریزان لە 2010 تاوەکو 2012 یاریی بۆ شاڵکەی ئەڵمانی کردووە و لە ئەڵمانیا ناوبانگێکی باشی هەیە، بۆیە لیڤەرکوزن بڕوای وایە راوول بژاردەیەکی گونجاو دەبێت بۆ تیپەکە.
هەر بەگوێرەی هەمان سەرچاوە، ئێدین تێزیچ راهێنەری پێشووی بۆڕووسیا دۆرتموند و مارکۆ رۆز، راهێنەری پێشووی لایپزیگ دوو بەربژێری دیکەن کە لەگەڵ راوول کێبڕکێی بەدەستهێنانی پۆستەکە دەکەن.
راوولی 48 ساڵان خاوەنی بڕوانامەی پرۆیە لە یوێفا و دوای وازهێنانی لە یاریکردن لەوەتەی ساڵی 2018 دەستی بە کاری راهێنەرایەتی کردووە و ماوەی شەش ساڵ سەرپەرشتی تیپی لاوانی ریال مەدریدی کرد و لەم هاوینە دەستیلەکارکێشایەوە.
