یاریگا –
بەشێوەیەکی فەرمی ئێریک تێن هاخ لە پۆستی راهێنەرایەتی بایەر لیڤەرکوزن دوورخرایەوە.
دوێنێ تۆڕی وەرزشی یاریگا لە رووماڵی هەواڵەکانی رۆژانەدا، پشتبەست بە سەرچاوە باوەڕپێکراوەکان، دەنگوباسی ئەگەری دوورخستنەوەی تێن هاخی بڵاوکردەوە.
یانەی بایەر لیڤەرکوزن بەشێوەیەکی فەرمی رایگەیاند، ئێریک تێن هاخی هۆڵەندی لە پۆستی راهێنەرایەتی یانەکە دوورخراوەتەوە
Bayer 04 hat sich mit sofortiger Wirkung von Cheftrainer Erik ten Hag getrennt. Die Trainingsarbeit wird vorläufig der Assistenz-Trainerstab übernehmen.#Bayer04 | #Werkself | #tenHag pic.twitter.com/qyuzVVrXuN
— Bayer 04 Leverkusen (@bayer04fussball) September 1, 2025
راهێنەرە هۆڵەندیەکە کە ئەم هاوینە ئەرکەکەی بە فەرمی لەگەڵ یانەکەی دەستپێکرد وەک شوێنگرەوەی چابی ئاڵۆنسۆ، لە یەکەمین دوو تاقیکردنەوەی خۆیدا لە بۆندسلیگا یەکسانبوون و شکستێکی هەیە.
وەک دوێنێ فلۆریان پلێتنبێرگی رۆژنامەنووسی سکای ئەڵمانی بڵاویکردەوە، خودی تێن هاخ مکوڕ بووە لە مانەوە و داوای کاتی زیاتری کردووە بۆ هەڵسەنگاندنی ئەو بونیاتنانەوە پێویستەی کە تیمەکە بەخۆوەی بینوە دوای رۆشتنی چەند یاریزانێکی کاریگەر؛ وەک فلۆریان ڤێترز، جێرێمی فریمپۆنگ، جۆناسان تا، ئەمین عەدلی و گرانیت شاکا و ئەوانیتر. بەڵام دواجار دەرفەتی زیاتری پێنەدرا و دوورخرایەوە.
