تەواو؛ برایتن و مارسیلیا لەسەر گواستنەوەی یاریزانێک رێککەوتن

یاریگا –

برایتن خەریکە ئەستێرەیەکی دیکە لەدەستدەدات.

تۆڕی هەواڵی سکای سپۆرتس بڵاویکردووەتەوە، مات ئۆڕیلێ، ئەستێرەی هێڵی ناوەڕاستی برایتن لە جێهێشتنی یانەکە نزیکە.

بڕیارە ئەمڕۆ دووشەممە ئۆڕیلێ پشکنینی پزیشکی لە مارسیلیا بکات و ببێتە جەنگاوەرێکی دیکەی رۆبێرتۆ دی زێربی.

ئەستێرە دانیمارکییەکە بەخواستن تاوەکو کۆتایی وەرز یاریی بۆ مارسیلیا دەکات و هیچ بڕگەیەکی گواستنەوەی ناچاری لەدوای تەواوبوونی وادەی خواستنەکە لە گرێبەستەکەدا نییە.

ئۆڕیلێ لە یاریی دوێنێی برایتن بەرامبەر مانچێستەر سیتی لەسەر کورسی یەدەک بوو و بەشداری یارییەکەی نەکرد.

پێشتر ئۆڕیلێ لە برایتن لەگەڵ دی زێربی یاریی کردووە و راهێنەرە ئیتاڵییەکە بەتواناکانی سەرسامە.