یاریگا –
یوڤێنتوس گرێبەستی لۆیس ئۆپێندا، هێرشبەری بەلجیکی یەکلاییدەکاتەوە.
رۆژنامەنووسی سکای ئیتاڵیا جیانلوکا دی مارزیۆ بڵاویکردووەتەوە، یوڤێنتوس بۆ گواستنەوەی لۆیس ئۆپێندا لەگەڵ لایپزیگ گەیشتووەتە رێککەوتنی کۆتایی و هێرشبەرە بەلجیکییەکە پەیوەندی بە خانمە پیرەکە دەکات.
بەگوێرەی هەمان سەرچاوە، یوڤێ بەشێوەی خواستن بۆ ماوەی وەرزێک گرێبەستەکە لەگەڵ ئپێندا واژۆ دەکات و لە هاوینی 2026 بەبڕی 40 ملیۆن یۆرۆ دەتوانێت گرێبەستەکە بکاتە هەمیشەیی، ئەمەش دوای ئەوەی یانەکە لە گواستنەوەی کۆلۆ موانێ، هێرشبەری فەڕەنسی بێهیوا بوو.
ئۆپێندا گەشتی تورینی کردووە و لە چەند کاتژمێری داهاتوو پشکنینی پزیشکی بۆ دەکرێت.
La @JuventusFC ha chiuso per Loïs Openda. L’attaccante è in volo per l’Italia: oggi le visite mediche
— Gianluca Di Marzio (@DiMarzio) September 1, 2025
هێرشبەرە 25 ساڵانییەکە لە هاوینی 2023 بەبڕی 40 ملیۆن یۆرۆ لە لانسی فەڕەنسییەوە پەیوەندی بە لایپزیگ کردووە و بەهات لە بۆڕسەی یاریزانان 50 ملیۆن یۆرۆیە.
بەدرێسی یانە ئەڵمانییەکە لە سەرجەم پاڵەوانێتییەکان بەشداریی 93 یاریی کردووە، 41 گۆڵی کردووە و 18 گۆڵی دروستکردووە.
🚨⚪️⚫️ BREAKING: Loïc Openda to Juventus, here we go! Deal in place with RB Leipzig and authorization to travel.
Kolo Muani deal off and Juve close the deal for Openda on initial loan plus easy obligation to buy.
Total package slightly over €40m.
Zhegrova + Openda for Juve 2️⃣ pic.twitter.com/rXCgNjdKpT
— Fabrizio Romano (@FabrizioRomano) September 1, 2025
