چیرۆکە دوورودرێژەکەی گواستنەوەی ئیزاک گەیشتە ئەڵقەی کۆتایی
یاریگا –
بە کاتژمێرەکانی پێش داخرانی مێرکاتۆی هاوینە هاندەرانی لیڤەرپوول هەواڵە خۆشەکەیان پێراگەیەندرا پەیوەست بە ئالێکساندەر ئیزاک و، خۆشیی بردنەوەکەی ئارسیناڵیان لێ بووە دوو خۆشیی.
بەپێی زانیارییەکی بەپەلەی فابریزۆ رۆمانۆ کە ئێستا بڵاویکردەوە، لیڤەرپوول و نیوکاسڵ گەیشتوونەتە رێککەوتن لەسەر گواستنەوەی هێڕشبەرە سویدیەکە.
رۆمانۆ بڕی گواستنەوەکەی ئاشکراکردووە کە 130 ملیۆن پاوەندە. ئەوەش ئەو یاریزانە دەکاتە گرانبەهاترین گرێبەست لە مێژووی گواستنەوەکانی یانەکانی پرێمەرلیگ.
هەر بەپێی زانیارییەکانی ئەو رۆژنامەنووسە، ئێستا ئیزاک بەڕێگەوەیە بەرەو لیڤەرپوول تا وەک یاریزانێکی نوێی رێدز پشکنینە پزیشکیەکانی ئەنجام بدات، ئەوەش دوای ئەوەی لە چەند مانگی رابردوودا رێککەوتنی لەگەڵ کرا بۆ گرێبەستێکی ماوەدرێژ لە ئانفیڵد.
🚨💣 BREAKING: Alexander Isak to Liverpool, here we go! Deal agreed now for £130m transfer fee. Record move for Premier League.
Isak, on his way today for medical tests as new Liverpool player after long term deal agreed months ago.
It was always ONLY Liverpool for Isak. pic.twitter.com/AGnXqBKsmX
— Fabrizio Romano (@FabrizioRomano) August 31, 2025
ئەستێرە سویدیەکە لە کۆتاییدا گەیشت بە خەونەکەی کە پۆشینی درێسی لیڤەرپوول بوو، لەو پێناوەشدا بایکۆتی راهێنان و یارییەکانی سەرەتای وەرزی نیوکاسڵی کرد.
