یاریگا –
پێناچێ کاروانەکە ئێریک تێن هاخ لەگەڵ بایەر لیڤەرکوزن زۆر درێژە بخایەنێت ئەگەر ئەنجامەکانی هەروەک دەستپێکەکەی بێت.
هەواڵێکی چاوەڕواننەکراو کە فلۆریان پلێتنبێرگی رۆژنامەنووسی سکای سپۆرتس سەرچاوەکەیەتی و مێدیاکانی دیکەش بڵاویانکردووەتەوە، باس لەوە دەکات تێن هاخ لە ئەگەر دوورخستنەوەیەکی دەستبەجێدایە.
راهێنەرە هۆڵەندیەکە کە ئەم هاوینە ئەرکەکەی بە فەرمی لەگەڵ یانەکەی دەستپێکرد وەک شوێنگرەوەی چابی پاڵۆنسۆ، لە یەکەمین دوو تاقیکردنەوەی خۆیدا لە بۆندسلیگا یەکسانبوون و شکستێکی هەیە.
رۆژنامەنووسەکە ئەوەی زانیوە کە تێن هاخ مکوڕە لە مانەوە و داوای کاتی زیاتر دەکات بۆ هەڵسەنگاندنی ئەو بونیاتنانەوە پێویستەی کە تیمەکە بەخۆوەی بینوە دوای رۆشتنی چەند یاریزانێکی کاریگەر؛ وەک فلۆریان ڤێترز، جێرێمی فریمپۆنگ، جۆناسان تا، ئەمین عەدلی و گرانیت شاکا و ئەوانیتر.
🚨 Erik ten Hag is facing an immediate sacking at Bayer Leverkusen after just two games. 🤯
Ten Hag is determined to stay and is asking for time to oversee the rebuild that is needed after significant departures this summer.
(Source: @plettigoal) pic.twitter.com/3krpDobLmu
— Transfer News Live (@DeadlineDayLive) August 31, 2025
لەدوای جێهێشتنی ئایاکسەوە کە توانی ئەسپی خۆی بەباشی تاوبدات، تێن هاخ روویکردە دەرەوەی وڵاتەکەی و یەکەمین ئەزموونیشی مانچێستەر یونایتدبوو کە سەردەمی راهێنەرایەتیەکەی لە ئۆڵدترافۆرد بە یەکێک لە خراپترینەکانی مێژووی یانەکە دادەنرێت. دوای 2 ساڵ و 6 مانگ (ئەپرێلی 2022- ئۆکتۆبەری 2024) لە پۆستەکەی دوورخرایەوە.
