یاریگا –
مارسێلۆا بێڵسا، راهێنەری هەڵبژاردەی یوروگوای بە توندی بەرگری لە لامین یامال، ئەستێرەی لاوی بارسێلۆنا دەکات.
لە ماوەی رابردوودا رەخنەیەکی زۆر لە یامال گیرا، ئەمەش بەهۆی سەرقاڵبوونی بە بابەتی لاوەکی و کەمکردنەوەی سەرنج لەسەر تۆپی پێ، بەڵام بێڵسا پێی وایە، یامال لەنێو یاریگا جیاواز و ناوازەیە.
لەڕووی میدیا و پلاتفۆڕمەکانی سۆشیاڵ میدیا، فشارێکی دەروونی زۆر لەسەر یامال دروست دەکرێت و بەردەوام بە لیۆنێل مێسی نوێی دەشووبهێنن.
بێڵسا لە لێدوانێکیدا رۆژنامەوانیدا، یامال و لیۆ مێسی بە باشتر لە کیلیان ئێمباپێ و کریستیانۆ رۆناڵدۆ دادەنێت.
یامال پێویستی بە پاسی ناوازە نییە، بەڵکو خۆی تۆپ وەردەگرێت، هەمووان دەبڕێت، رێک وەکو مێسی.
ئەمجۆرە یاریزانانە کێشەکانی هێرشبەریت بۆ چارەسەر دەکەن، چونکە دەتوانێت هەموو هاوکێشەیەکی هونەری تێکبشکێنێت، چونکە توانای تاکەکەسی زۆر بەرزە.
ئێمباپێ و کریستیانۆ رۆناڵدۆ پێویستیان بە ناوەڕاستکارە، تاوەکو هێرشەکانیان بۆ دروستبکەن، بەڵام مێسی و یامال بە پاسی زۆر سادە، جیاوازییەکی زۆر دروستدەکەن.
لەلایەکی دیکەوە، بێڵسا بەرگری لە شێوازی ژیانی یامال لە دەرەوەی یاریگا کرد و روونیکردەوە؛
ئێوەی رۆژنامەنووس، بەردەوام مشتومڕ لەبارەی گەشتەکانی دروست دەکەن. یامال رۆژانە شەش کاتژمێر مەشق دەکات و دوو کاتژمێریش لە هۆڵی وەرزشییە.
یامال سیستمێکی خۆراکی زۆر توندی هەیە و چارەسەری سرووشتیش دەکات.
Interesante reflexión de Marcelo Bielsa sobre el caso Lamine Yamal, el profesionalismo del futbolista y la ‘estafa’ de los medios de comunicación 🔝pic.twitter.com/IH6nTwZWjN
— La pizarra de Bielsa (@pizarrabielsa) August 30, 2025
