ڤیدیۆ: هۆیلوند گەیشتە بارەگای ناپۆلی
راسموس هۆیلوند لە کۆتا رۆژی بازاڕی گواستنەوەدا گەیشتە بارەگای ناپۆلی بەمەبەستی ئەنجامدانی پشکنینی پزیشکی بۆ ئەو یانەیە.
هۆیلوند پێشتر لە ئیتاڵیا لەگەڵ ئەتەلەنتا درەوشایەوەو ناپۆلی بە ئومێدی ئەوەیە هەمان سەروەری لەگەڵ یانەکەی ئەوانیش دووبارە بکاتەوە.
ناوبراو ئەزموونێکی کارەساتاویی لە پریمەرلیگ و لەگەڵ مانچێستەر یونایتد بەسەربرد بەڵام سەرەنجام دەرگایەکی دەربازبوونی دۆزییەوە و ئەمڕۆ پشکنینی پزیشکی بۆ پارتینۆپی ئەنجام دەدات و دواتر گرێبەستەکە دەبێتە فەرمیی.
بەگوێرەی رێککەوتنی نێوانیان، ناپۆلی ئێستا شەش ملیۆن یۆرۆ دەداتە مانچێستەر یونایتد بۆ ماوەی ساڵێک بە خواستن، بەڵام ئەگەر هاتوو ناپۆلی گەیشتە خولی پاڵەوانەکانی ساڵی داهاتوو ئەوا دەبێت 44 ملیۆنی دیکە بدەن بە شەیتانە سوورەکان و گرێبەستەکە خۆکارانە دەبێتە هەمیشەیی. ئەمە جگە لەوەی مانچێستەر 5٪ی پارەی فرۆشتنەوەی داهاتووی ئەو یاریزانە وەردەگرێت.
#Hojlund: nessun giallo, niente #Lipsia, solo #Napoli (e visite in corso) pic.twitter.com/ZFBGtt6BUQ
— Alfredo Pedullà (@AlfredoPedulla) August 31, 2025
هێرشبەرە دانیمارکییەکە لە 2023دا بەرامبەر بە 75 ملیۆن یۆرۆ روویکردە مانچێستەر یونایتد، لەو ماوەیەدا بە کۆی گشتیی 95 یاری ئەنجامدا و 26 گۆڵی تۆمارکرد.
