یاریگا –
بازاڕی گواستنەوەکانی هاوینە پێدەنێتە کۆتا کاتژمێرەکانی خۆی و هێشتا کۆبی مەینوو مکوڕە لە بڕیاری جێهێشتنی مانچێستەر یونایتد.
ماوەیەک پێش ئێستا لاوە ئینگلیزیەکە داوای بەرزکردنەوەی مووچەکەی دەکرد وەک مەرجی مانەوە. ناوبراو تا پێش هاتنی روبێن ئامۆریم، جێگەی متمانەی ئێریک تێن هاخ بوو، بەڵام بە هاتنی راهێنەرە پۆرتوگالیەکە چیتر پێگەیەکی سەرەکیی بۆ مەینوو نەمایەوە. لە چەند رۆژی رابردوودا بابەتی رۆشتنی چەندین جار لە زاری ئامۆریمەوە وروژێنرا و داوای لەو مەینوو کرد ئارام و پشوودرێژتربێت بۆ رکابەرایەتیکردنی بڕونۆ فێرناندێش لەسەر پێگەی ناوەڕاست.
بەڵام وادیارە هێشتا لێدوانە پڕهاندانەکەی ئامۆریم نەبووەتە هۆی پاشەکشێی کۆبی لە بڕیارەکەی. ئەوەش بەگوێرەی کۆتا زانیاریی کە کریس ویلەری رۆژنامەنووسی دەیلی مەیڵ.
کریس نووسیویەتی یاریزانە 20 ساڵییەکە مکوڕە لەسەر بڕیاری جێهێشتنی مان یونایتد پێش داخرانی دەرگای گواستنەوەکان کە سبەینێ کۆتا وادەکەیەتی.
رۆژنامەنووسەکە هۆکارە سەرەکییەکانی سووربوونی ناوەڕاستکارەکەی ئاشکراکردووە و زانیویەتی کە نایەوێ وەک یەدەگی فێرناندێش بمێنێتەوە. ئەوە و هەروەها خواستی لەوەیە کە پێش دەستپێکردنی مۆندیالی 2026 بەشێوەیکی ئاسایی یاریی خۆی بکات تا چانسی بەشداریکردن لەو پاڵەوانێتیە جیهانیە لەدەستنەدات.
🚨 Kobbie Mainoo remains DETERMINED to leave Manchester United before the deadline tomorrow.
He doesn’t want to be Bruno Fernandes’ understudy and wants to play regular football ahead of the World Cup.
(Source: @ChrisWheelerDM) pic.twitter.com/0igDnw8GDV
— Transfer News Live (@DeadlineDayLive) August 31, 2025
