یاریگا –
ئەمڕۆ لە یارییەكانی هەفتەی سێیەمی لالیگا پاڵەوانی وەرزی رابردوو بەرامبەر رایۆ ڤاییكانۆ یارییدەكات.
وا بڕیارە ئەمڕۆ یەكشەممە كاتژمێر 22:30 بە كاتی كوردستان رایۆ ڤاییكانۆ لە یاریگای تایبەت بە خۆی میوانداری بارسێلۆنا بكات، لە میانی یارییەكانی هەفتەی سێیەمی لالیگا.
پڕۆفایلی یاری
بارسێلۆنا دەیەوێت باڵادەستییەكەی وەرزی رابردووی دووبارە بكاتەوە و ئامانجی ئەوەیە دەستكەوتەكانی وەرزی رابردوو بەدەستبهێننەوە.
لە مێركاتۆی هاوینەدا هەریەک لە یاریزانان ئینیگۆ مارتینێز، پاو ڤیكتۆر، ئانسو فاتی، ئالێكس ڤالێ و پابلۆ تۆرێ ریزەكانی بارسێلۆنایان جێهێشت.
هەروەها خوان گارسیا، ماركوس راشفۆرد و روونی بەرداخچی پەیوەندیان بە یانە كاتالوونییەكەوە كرد.
لە یەكەم یاریی وەرزی نوێدا بارسێلۆنا بووە میوانی مایۆركا و بە سێ گۆڵی خاوێن سێ خاڵی بەدەستهێنا، لە دووەم یارییشدا بەزەحمەت و بە ئەنجامی سێ گۆڵ بەرامبەر دوو گۆڵ لە لێڤانتی بردەوە.
لە بەرامبەردا رایۆ ڤاییكانۆ لە هەفتەی یەكەم بە سێ گۆڵ بەرامبەر گۆڵێک لە جیڕۆنای بردەوە و لە هەفتەی دووەم بە گۆڵێكی بێ وەڵام بەرامبەر ئاتلێتیک بیلباو شكستیهێنا.
هەواڵی پێكانی یاریزانەكان
رایۆ ڤاییكانۆ بە بێ عەبدول موئمین و نەبیل میندی رووبەرووی بارسێلۆنا دەبێتەوە.
بارسێلۆنا بە بێ گاڤی و تێر شتیگن بەرامبەر رایۆ ڤاییكانۆ یارییدەكات.
پێكهاتەی پێشبینیكراوی رایۆ ڤاییكانۆ
باتالا
لاتسو، لیخوێنی، فێلیپێ، چاڤاریا
پاڵازۆن، لۆپێز، كیس، گارسیا
فرۆتۆس، دیاز
پێكهاتەی پێشبینیكراوی بارسێلۆنا
گارسیا
كۆندێ، كوبارسی، ئێریک گارسیا، بالدێ
دی یۆنگ، پێدری
لامین یامال، ئۆلمۆ، رافینیا
لیڤاندۆڤسكی
