یاریگا –
لە یارییەكی دیكەی هەفتەی سێیەمی پرێمەرلیگ برایتن میوانداری مانچیستەر سیتی دەكات.
وا بڕیارە ئەمڕۆ یەكشەممە كاتژمێر 16:00 بە كاتی كوردستان برایتن لە یاریگای ئامێكسی تایبەت بە خۆی میوانداری مانچێستەر سیتی بكات، لە میانی یارییەكانی گەڕی سێیەمی پرێمەرلیگ.
پڕۆفایلی یاری
مانچێستەر سیتی دەیەوێت ئەنجامە خراپەكانی وەرزی رابردوو لەبیر بكات كە لە پلەی سێیەم كۆتایی بە وەرزەكەی هێنا.
لە مێركاتۆی هاوینەدا مان سیتی لە هەوڵی نوێكردنەوەی ریزەكانی یانەكەی بووە، هەریەک لە كێڤن دی برۆین، جاک گرێلیش، ماكسیمۆ پێرۆنی، یان كوتۆ، كایڵ وۆڵكەر و بیتۆر ریێس یانەكەیان جێهێشت.
هەروەها گرێبەستی لەگەڵ تیجانی رێندێرس، رایان ئایت نوری، رەیان شەرقی و جەیمس ترافۆرد واژۆ كرد.
لە یاریی هەفتەی یەكەم بووە میوانی وۆڵڤز و یارییەكەشی بە چوار گۆڵی بێ وەڵام لێبردەوە، لە یاریی هەفتەی دووەم میوانداری تۆتنهامی كردووە و یارییەكەش بە دوو گۆڵی بێ وەڵام لە بەرژەوەندی یانەی میوان كۆتاییهات.
لە بەرامبەردا برایتن یەكەم یاریی وەرزی نوێی پرێمەرلیگ بە گۆڵێک لەگەڵ فولهام یەكسان بوو، لە هەفتەی دووەم بە دوو گۆڵی بێ وەلام بەرامبەر برایتن شكستیهێنا.
هەواڵی پێكانی یاریزانەكان
برایتن بە بێ ئادەم وێبستەر، خولیۆ ئینكیسۆ، سۆلی مارچ، تاریق لامتی رووبەرووی مانچێستەر سیتی دەبێتەوە.
لە بەرامبەردا مانچێستەر سیتی بە بێ ماتیۆ كۆڤاسیچ، یۆشكۆ ڤاردیۆل، ساڤیۆ و بێنتلی بەرامبەر برایتن یاریی دەكات.
پێكهاتەی پێشبینیكراوی برایتن
ڤێربروغن
فیفەر، ڤان هیک، دەنک، كوبێر
بالیبا، هینشوڵد
مینتێ، گۆمێز، میتۆما
وێڵبیک
پێكهاتەی پێشبینیكراوی مانچێستەر سیتی
ترافۆرد
لێویس، ستۆنس، دیاس، ئایت نوری
گۆنزالێس، رێندێرس
فۆدن، سێلڤا، دۆكو
هالاند
