دەنگۆكانی مێركاتۆ؛ تۆتنهام بەرگریكارێک دەگوازێتەوە و داهاتووی فێرمین یەكلاییدەبێتەوە

یاریگا –

تۆتنهام بەرگریكارێكی مانچێستەر سیتی دەگوازێتەوە، فێرمین لۆپێز لە بارسێلۆنا دەمێنێتەوە و لایپزیگ بەدوای شوێنگرەوەی چاڤی سیمۆنس وێڵە.

تۆتنهام لە پێشەنگی گواستنەوەی مانوێل ئاكانجی بەرگریكاری یانەی مانچێستەر سیتی دێت چاوەڕوان دەكرێت كێبڕكێی گواستنەوەی لە كریستاڵ پاڵاس و ئەیسی میلان بباتەوە – گازێتا دێلۆ سپۆرت.

هانزی فلیک دڵنیایە لە مێركاتۆی هاوینەدا فێرمین لۆپێز ریزەكانی بارسێلۆنا جێناهێڵێت – ESPN.

بەڵام چێڵسی ئامادەیە ئۆفەرێک بە بەهای 90 ملیۆن یۆرۆ بۆ گواستنەوەی فێرمین لۆپێز پێشكەشی بارسێلۆنا بكات – موندۆ دێپۆرتێڤۆ.

هەریەک لە یانەكانی وێستهام و شتوتگارت ئارەزووی گواستنەوەی فابیۆ ڤیێرا یاریزانی یانەی ئارسیناڵ دەكەن – سكای سپۆرتس.

نوسەیر مەزراوی بەرگریكاری مەغریبی یانەی مانچێستەر یونایتد بە ئامانجی یانەی یوڤێنتوسی ئیتاڵی دادەنرێت – گازێتا دێلۆ سپۆرت.

لایپزیگ بۆ شوێنگرتنەوەی چاڤی سیمۆنس هەوڵی گواستنەوەی هارڤی ئیلیەت یاریزانی لیڤەرپوول دەدات – ESPN.

ئەگەر هارڤی ئیلیەت لیڤەرپوول جێبهێڵێت ئەوا یانەكە هەوڵی گواستنەوەی مۆرگان رۆجەرز دەدات – فوتبۆڵ ئینسایدەر.

رۆدریگۆ ئەستێرەی بەڕازیلی یانەی ریال مەدرید لە مێركاتۆی هاوینەدا لە یانەكەی دەمێنێتەوە – ماركا.

لیدز یونایتد گرنگی بە گواستنەوەی بیلال خەنووس یاریزانی یانەی لێستەر سیتی دەدات – ئاتلێتیک.