تەواو؛ بایرن بڕیاری لەسەر نیکۆلاس جاکسندا

یاریگا –

لەکاتێکدا هەمووشتێ نزیکبووبووە لە راگەیاندنی فەرمی پەیوەندیکردنی نیکۆلاس جاکسن بە بایرن میونشن، بەڵام لەپڕ هەواڵی پێکانی لیام دێلاپی هێرشبەری چێڵسی لە یارییەکەیان بەرامبەر فوڵهام هاوکێشەکانی هەڵگێڕایەوە و هەرزوو بلووز کەوتەخۆی بۆ پارێزگاریکردنی لە جاکسن و هێنانەوەی لە ئەڵمانیا کە بۆ مەبەستی تەواوکردنی گرێبەستەکەی لەگەڵ باڤارییەکان لەو وڵاتەبوو.

ئێستا؛ چێڵسی بایرن میونشن شۆک دەکات

هەردوو یانە و خودی یاریزانەکە و بریکارەکەشی کەوتنە دۆخێکەوە بڕیاردان تێیدا ئاسان نەبوو، بەتایبەت کە بازاڕی گواستنەوەکانی هاوینە پێدەنێتە کۆتا دوو رۆژی خۆیەوە.

بەگوێرەی لێدوانێکی فەرمی لە ماکس ئێبێرلی بەڕێوەبەری بایرن، ئەوان لەم دۆخەدا هێرشبەرە سەنیگالیەکەیان ناوێت و وایدەبینن هێشتا یاریزانی چێڵسیە. ئێبێرل وتی

من لە پێگەیەکدا نیم بڕیار بدەم. بەڵام بە یاریزانەکە و بریکارەکەشی دەڵێین پێویستە بگەڕێنەوە بۆ لەندەن. جاکسن یاریزانی چێڵسیە.

سەبارەت بەوەی جێگرەوەیان چی دەبێت ئەگەر گواستنەوەکەی نیکۆلاس بەیەکجاریی شکست بهێنێت، بەڕێوەبەرەکە وتی

لە کۆتا 48 کاتژمێرەکەی مێرکاتۆکەدا چارەسەرێک دەدۆزینەوە.

🚨⚠️ Bayern director Max Eberl on Nico Jackson: “I’m not in a position to act. We will tell the player and his agent that they have to go back to London, he’s Chelsea player”.

“For final 48h, we’ll try to find a solution”, told BILD. pic.twitter.com/TPn9hPCpKV

— Fabrizio Romano (@FabrizioRomano) August 30, 2025