ئاستۆن ڤیلا خەریکە گواستنەوەی ئەستێرەیەکی دیاری وێستهام یەکلاییدەکاتەوە

یاریگا –
لەگەڵ نزیکتربوونەوەی کۆتا کاتژمێرەکانی داخستنی بازاڕی گواستنەوەکانی هاوینە، ئاستۆن ڤیلا خەریکە گواستنەوەیەکی گەورە یەکلایی دەکاتەوە.
کوڕانی ئونای ئێمری لە یۆرۆپالیگ بەشدارن و چاویان لە کێبڕکێی توندە لە سەرجەم ئاستە نێوخۆیی و کیشوەرییەکان.
بەگوێرەی زانیارییەکانی فابریزۆ رۆمانۆ، ئاستۆن ڤیلا تەنها چەند هەنگاوێک لە یەکلاکردنەوەی گرێبەست لەگەڵ لوکاس پاکیتا دوورە و یاریزانەکە بەپەرۆشە بۆ ئەو پرۆژەی پێشکەشی کراوە.
رۆژنامەنووسەکە بەشێک لە وردەکارییەکانی ئاشکراکردووە و باس لەوە دەکات تێچووی گواستنەوەی ئەستێرە بەڕازیلیەکە 47 ملیۆن پاوەندە و لەگەڵیشیدا نرخەکەی “ئەگەر خواستن بێت” دیارییکراوە، بە مەرجی کڕینەوەی ناجاریی لەگەڵ پاداشتەکاندا.
هەر بەپێی زانیارییەکانی رۆمانۆ، ناوەراستکارە 28 ساڵییەکە رەزامەندیی پیشانداوە بۆ پەیوەندیکردنی بە ڤیێلاوە و بەمزووانە رادەگەیەنرێت.
🚨💣 Understand Aston Villa are closing in on Lucas Paquetá deal with West Ham!
£47m package including loan fee, obligation to buy and add-ons.
Paquetá has accepted #AVFC move, keen on project and ready to join.
Here we go, expected soon. 🇧🇷 pic.twitter.com/SS8Nzq3Sxv
— Fabrizio Romano (@FabrizioRomano) August 30, 2025
پاکیتا سێ ساڵ بەرلە ئێستا بە بڕی 50 ملیۆن پاوەند وەک گرانترین گرێبەستی وێستهام لە لیۆنی فەڕەنسییەوە پەیوەندی بە هامەرزەوە کرد. لەو ماوەیەدا توانی وەک روخسارێکی دیاریی یانە لەندەنییەکە خۆی بناسێنێت.