ئێستا؛ چێڵسی بایرن میونشن شۆک دەکات

یاریگا –
هەرچەندە نیکۆڵاس جاکسن گەشتی ئەڵمانیای کردووە بەڵام چێڵسی پرۆسەی گواستنەوەی یاریزانەکە بۆ بایرن میونشن هەڵدەوەشێنێتەوە.
رۆژنامەنووسی تۆڕی ئاتلێتیک دەیڤد ئۆرنشتاین ئاشکرایکردووە، چێڵسی بایرن میونشنی ئاگادارکردووەتەوە بەهۆی پێکانی لیام دێلاپ، لە دەستبەرداربوون لە نێکۆڵاس جاکسن پەشیماندەبنەوە و هێرشبەرەکەیان بە بایرن میونشن نادەن.
🚨 EXCLUSIVE: Chelsea inform Bayern Munich they will not be proceeding with proposed loan of Nicolas Jackson after injury to Liam Delap. 24yo striker travelled to Germany for #FCBayern move but #CFC requested Senegal int’l returns to London @TheAthleticFC https://t.co/g4IypeWrHI
— David Ornstein (@David_Ornstein) August 30, 2025
ئەمڕۆ چێڵسی لە یارییەکانی گەڕی سێیەمی پرێمەرلیگ رووبەڕووی فولهام بووەوە و 2-0 یارییەکەی بردەوە، لیام دێلاپ هێرشبەری بلوز لە خولەکی 12 بەهۆی پێکان یاریگای جێهێشت و بۆ ماوەی هەشت هەفتە لە یاریکردن دادەبڕێت.
ئەمەش لەکاتێکدایە چێڵسی و بایرن میونشن لەسەر تەواوی وردەکارییەکانی گواستنەوەی جاکسن رێککەوتبوون.
بەگوێرەی رێککەوتنەکە جاکسن بەبڕی 15 ملیۆن یۆرۆ بەخواستن تاوەکو کۆتایی ئەم وەرزە یاریی بۆ میونشن دەکات، هەروەها میونشن بژاردەی گواستنەوەی هەمیشەیی یاریزانەکەی بەبڕی 80 ملیۆن یۆرۆ دەبێت.
جاکسن و عەلی بارات، بەڕێوەبەری کارەکانی ئەمڕۆ گەشتی میونشنیان کرد بۆ ئەوەی دەستبەجێ پشکنینی پزیشکی و پڕۆسەی گواستنەوەکە تەواو بکەن.
بەڵام چێڵسی بەهۆی پێکانە لەناکاوەکەی دێلاپ، گواستنەوەی جاکسن بۆ یانە ئەڵمانییەکە هەڵدەوەشێنێتەوە.