تەواو؛ ناپۆلی ئەستێرەیەکی مانچێستەر یونایتد دەگوازێتەوە
یاریگا –
یانەی ناپۆلی چیرۆکە درێژخایەنەکە یەکلایی دەکاتەوە و ئەستێرەیەکی مانچێستەر یونایتد دەگوازێتەوە.
فابریزۆ رۆمانۆ بڵاویکردووەتەوە، ناپۆلی و مان یو لەسەر هەمووشتێ رێککەوتوون بۆ گواستنەوەی راسموس هۆیلوند بەخواستن.
رۆمانۆ بەشێک لە ناوەڕۆکی رێککەوتنەکەی ئاشکراکردووە کە گواستنەوەی هێرشبەرە دانیمارکیەکە بەخواستنە بۆ ماوەی ساڵێک لە بەرامبەر 6 ملیۆن یۆرۆ لەگەڵ مەرجی ناچاریی کڕینەوەی هەمیشەیی لە بارودۆخی تایبەتدا، کە ئەوکات نرخەکەی دەگاتە 44 ملیۆن.
لە کۆتا بەشی زانیارییەکانیدا رۆژنامەنووسە ئیتاڵیەکە ئەوەشی خستووەتەڕوو کە چەند رۆژێکە یاریزانە 22 ساڵییەکە بەڵێی بۆ ناپۆلی کردووە. لە ماوەی 24 کاتژمێری داهاتوودا پشکنینی پزیشیکی بۆ ئەنجامدەدرێت.
🚨🔵⚪️ BREAKING: Rasmus Højlund to Napoli, here we go! Verbal agreement done between all parties involved.
Loan deal for €6m fee with buy option clause to become mandatory under certain conditions worth €44m.
Højlund said yes to Napoli days ago, set for medical in next 24h. pic.twitter.com/ewkRTg7irZ
— Fabrizio Romano (@FabrizioRomano) August 30, 2025
ناپۆلی لە وەرزی رابردووەوە راوی هۆیلوند دەکات. پێکانی رومێلو لوکاکو لە هەفتەکانی رابردوودا هێندەیتر ئانتۆنی کۆنتی هان دا تا هەرچی زووە هێرشبەرەکەی مان یو بگوازێتەوە.
