یاریگا –
بارسێلۆنا پێکانی یاریزانێکی دیاری راگەیاند.
یانە کاتالوونییەکە لە بەیاننامەیەکدا، پێکانی گاڤی دووپاتکردەوە و بەگوێرەی راپۆرتی پزیشکی یانەکەبێت، ئەژنۆی گاڤی پێککراوە.
بارسا هیچ وردەکارییەکی لەبارەی ماوەی دوورکەوتنەوە و مەترسیی پێکانەکەی بڵاونەکردووەتەوە، تەنیا ئەوە پشتڕاستکراوەتەوە، گاڤی بەشداری یاریی سبەی بەرامبەر رایۆ ڤاییکانۆ لە لالیگا ناکات.
🚨🟦🟥𝐎𝐅𝐈𝐂𝐈𝐀𝐋 | Parte médico del Barça sobre Gavi
🦵El jugador andaluz tiene unas molestias en la rodilla derecha
⏬Es baja para el partido ante el Rayo
📅Su evolución marcará su disponibilidad pic.twitter.com/kRQs2oVxaK
— Diario SPORT (@sport) August 30, 2025
رۆژنامەی سپۆرت بڵاویکردووەتەوە، لە مەشقەکانی ئەمڕۆ شەممەی بارسا، گاڤی هەستی بە ئازار لە ئەژنۆی کردووە. سیناریۆی پێکانی هەمان ئەژنۆی وەرزی رابردووە، کاتێک بەهۆی دڕانی بەستەرەکانی ئەژنۆی نزیکەی ساڵێک دوورکەوتەوە.
پێناچێت پێکانەکە قورس بێت، بەڵام بۆ تەواو دڵنیابوون لە تەندرووستی گاڤی و دوورخستنەوەی لە هەر فشارێک و ریسک نەکردن، ناوی لە لیستی یاریزانانی یارییەکەی سبەی بەرامبەر ڤاییکانۆ نابێت.
سەرەرای هەستکردنی بە ئازار، بەڵام گاڤی بە تەنیا رێیکردووە و گۆڕەپانی مەشقەکانی جێهێشت، ئەمەش هیوایەکی بە هاندەران و دەستەی راهێنەران داوە، کە پێکانەکەی مەترسیدار نییە.
سبەی کەتیبەکەی هانزی فلیک کە یەکەمین دوو گەڕی لالیگایان بردووەتەوە، دەبنە میوانی ڤاییکانۆ.
